Sheteldikter Nur-Sultan qalasynda taksı qyzmetimen zańsyz aınalysqan
Nur-Sultan qalasy Polıtsııa departamentiniń baspasóz qyzmetinen málim etkendeı, «ıAndeks», «Uber» qosymshalary arqyly taksı qyzmetimen zańsyz aınalysqan 21 sheteldik ustalǵan. Olardyń jolaýshy tasymaldaýǵa ruqsat beretin lıtsenzııasy bolmaǵan.
«Atalǵan sheteldikterge QR Ákimshilik quqyq buzý týraly kodeksiniń 463-baby boıynsha, ıaǵnı «tıisti tirkeýsiz, ruqsatsyz nemese tıisti habarlama jibermesten kásipkerlikpen nemese ózge qyzmetpen aınalysqany» úshin 15 AEK (45 945 teńge – red) mólsherinde aıyppul salyndy.
Sondaı-aq sot is materıaldaryn QR Ákimshilik quqyq buzý týraly kodeksiniń 517-babyn, ıaǵnı «sheteldikti nemese azamattyǵy joq adamdy jumysqa ornalastyrý zańnamasyn buzý» máselesi boıynsha qarady. Sot qaýlylary negizinde 8 júrgizýshi QR aýmaǵynan shyǵaryldy. Qalǵan 13 júrgizýshi atalmysh bapty buzǵany úshin 25 AEK (76 575 teńge – red) kóleminde aıyppul arqalady», - dep jazady departamenttiń baspasóz qyzmeti.
Departamenttiń deregi boıynsha, atalǵan sheteldikter tizgindep kelgen avtokólikter kommýnaldyq aıyp turaǵyna qoıyldy.