Sheteldikter Qazaqstanda aýyl sharýashylyǵy jobalaryna ınvestıtsııa salý úshin qor qurýǵa nıetti
Osy oraıda jalpy quny 207,5 mlrd. teńgege (11,5 myń jumys ornynyń qurylýymen) 348 joba nemese 75 paıyzy iske qosylǵan. Investıtsııalyq jobalar búkil oblystarda, sonyń ishinde 75,1% - aýdandarda, 76,9% - oblys mańyzyna ıe qalalarda jáne 25,9% - aýdan mańyzyndaǵy qalalarda iske asyrylýda (aǵymdaǵy jyldyń 9 aıy ishinde 24 aýdan ınvestıtsııalyq jobalarmen qamtyldy). Oblystar ishinde ınvestıtsııalyq jobalardy iske qosýdaǵy kóshbasshylar bolyp tabylatyndar: Aqmola oblysy - 63 joba, SQO - 40 joba, Almaty oblysy - 39 joba, Qostanaı oblysy - 37 joba jáne OQO - 30 joba. Jańa jobalardy bekitýdiń oń serpini qalyptasqan, 2013 jyly 113 joba bekitilgen, bul deńgeı 2012 jylǵy deńgeıinen 1,5 eseden joǵary asyp túsedi. Holdıng málimetine qaraǵanda, aǵymdaǵy jyldyń 31 qazanyna 111 joba bekitilgen, bul qarqyn jyldyń sońyna deıin saqtalatyn bolady. Atap aıtqanda, QR Ulttyq qorynyń qarajattary boıynsha 216 ınvestıtsııalyq joba bekitildi, 187 joba qarjylandyryldy, 146 ınvestıtsııalyq joba iske qosyldy. «QazAgro» aktsıonerlik qoǵamynyń jobalar qorjyny qurylymyndaǵy 17% úlesti jalpy quny 50,8 mlrd.teńgege aýyl sharýashylyǵy ónimderin qaıta óńdeý boıynsha 82 joba qamtyp otyr. Negizinen, bul astyqty, etti, sútti, sondaı-aq maıdy, kúrishti, balyqty, júndi jáne basqa da qaıta óńdeý boıynsha jobalar. Aǵymdaǵy jyly 37,1 mlrd. teńgege 68 ınvestıtsııalyq jobanyń iske asyrylýy jobalanyp otyr, qazirgi ýaqytta onyń 56 ınvestıtsııalyq jobasy iske qosylǵan. Bıylǵy jyldyń aıaǵyna deıin taǵy da 12 ınvestıtsııalyq jobanyń iske asyrylýy josparlanýda.
«Holdıngtiń ınvestıtsııalyq jobalaryn júzege asyrý nátıjesinde qus etin tutynýdaǵy ımporttyń úlesin 21 paıyzǵa, sút jáne sút ónimderi ımportynyń kólemin 6 paıyzǵa, jemis-kókónis ımportyn 5 paıyzǵa tómendetýge múmkindik beredi», - deıdi osy holdıngtiń basqarma tóraǵasynyń orynbasary Qaırat Aıtýǵanov. Aıta keteıik, 2014 jyldyń sońyna deıin Vengrııanyń EksımBankimen birlesip, shamamen 40 mln. AQSh dollaryna Qazaqstandaǵy aýyl sharýashylyǵynyń jobalaryna ınvestıtsııa salý úshin Qazaqstan-Vengrııa qoryn qurý josparlanýda.