Sheteldik JOO stýdentteri de medıtsınalyq qyzmetterdi tegin alady - BǴM
Sheteldik joǵary oqý oryndaryna óz betinshe oqýǵa túsken, al qazir qashyqtan oqyp jatqan qazaqstandyq stýdentter QR Bilim jáne ǵylym mınıstrligine ótinish bildirip, medıtsınalyq qyzmetterdi tegin alý boıynsha kómek kórsetýdi suraǵan.
Bul stýdentter de qazaqstandyq joǵary oqý oryndarynyń stýdentteri sııaqty MÁMS aıasynda medıtsınalyq kómekti tegin alatyn bolady. Stýdentter saqtandyrý júıesindegi óz mártebesin rastaý úshin «elektrondyq úkimet» portalynda tirkeýden ótýleri qajet. Nátıjesinde, olar MÁMS aıasynda jeńildikter sanatyna engiziledi.
«Stýdentter ótinishterin mınıstrdiń blogyna da joldady. Biz birden áreket jasap, olardyń «elektrondyq úkimet» portaly arqyly tirkelýi úshin qajet jaǵdaı jasadyq. 10 kúnniń ishinde «Shetelde oqıtyn stýdentterdi tirkeý» qyzmetin 250-ge jýyq adam paıdalanǵan. Endigi kezekte olar medıtsınalyq qyzmetterdi tegin ala alady», – dep jazdy Bilim jáne ǵylym vıtse-mınıstri Rústam Bıǵarı Facebook -tegi paraqshasynda.