Sheteldik týrıster sany 4 mıllıonǵa artatyny boljanady – mınıstr Oralov

ASTANA. QazAqparat – Elimizde ishki týrıster sany 11 mıllıonǵa, shetelden keletin týrıster 4 mıllıon adamǵa artady degen boljam jasaldy. Bul týraly Mádenıet jáne sport mınıstri Ashat Oralov Úkimet otyrysynda málim etti, dep habarlaıdy QazAqparat tilshisi.

«Týrızm salasyndaǵy ınvestıtsııalyq ahýaldy jaqsartýǵa baǵyttalǵan sharalar jalǵasyn tabady. ıAǵnı damý áleýeti joǵary iri týrıstik ınvestıtsııalyq jobalardy iske asyrý kózdelýde. Sonymen qatar bizdiń mınıstrlik óńirlerde bızneske qoldaý kórsetedi. Nátıjesinde ishki týrızmde kásipkerlik belsendilik artýy tıis», - dedi Ashat Oralov óz baıandamasynda.

Onyń aıtýynsha, týrızmdi ilgeriletý baǵytyndaǵy is-sharalar jańa tujyrymdamaǵa sáıkes júrgiziledi.

«Joǵaryda aıtylǵan sharalardy iske asyrý nátıjesinde ishki týrıster sany 11 mıllıonǵa (2022 jyly 8,6 mln), al sheteldik týrıster sany 4 mıllıon adamǵa deıin (2022 jyly – 928 myń) artady dep kútilýde. Bul otandyq týrızmge quıylatyn ınvestıtsııalar ósimin 260 mlrd teńgege deıin (ótken jyly 131 mlrd teńge) ulǵaıtýǵa múmkindik beredi. Salada 800 myń adam (byltyr 490 myń adam) jumyspen qamtylady», - deıdi ol.

Sondaı-aq mınıstr vedomstvoǵa júktelgen barlyq mindet aıryqsha baqylaýda ekenin jáne Memleket basshysy tapsyrmalaryn sapaly oryndaý boıynsha barlyq qajetti shara qabyldanatynyn atap ótti.

Buǵan deıin Qazaqstanǵa vızasyz kele alatyn elder sany artatyndyǵy habarlandy.