Sheteldik týrıster mingen 12 kólik Mańǵystaý oblysynda balshyqqa batyp qaldy

JAŃAÓZEN. QazAqparat – Mańǵystaý oblysynda sheteldik týrıster mingen 12 kólik jaýyn sýynan paıda bolǵan balshyqqa batyp qaldy. Bul týraly Mańǵystaý oblystyq Tótenshe jaǵdaılar departamentinen málim etti, dep habarlaıdy QazAqparat tilshisi.

Oqıǵa Jańaózen qalasynan 120 shaqyrym jerdegi «Beket ata» jerasty meshitiniń mańynda bolǵan.

«25 shildede Qaraqııa aýdandyq Tótenshe jaǵdaılar bólimine «Beket ata» jerasty meshitiniń mańynda sheteldik týrısterdiń 12 kóligi balshyqqa batyp qalǵany týraly aqparat tústi. Olardy qutqarý úshin 4 tehnıka men 11 qyzmetker jumyldyrylyp, 8 avtokólik shyǵaryldy. 4 avtokólik batpaqtan óz kúshterimen shyqty», - dedi departamenttiń baspasóz qyzmetinen.

Barlyǵy 24 týrıst qutqaryldy, olarǵa medınıtsalyq kómek qajet bolǵan joq.

Aıta keteıik, qutqarý jumystaryna Jańaózen qalasyndaǵy «Ózenmunaıgaz» AQ-nyń tehnıkalary men qyzmetkerleri qatysty.

Eske salsaq, 23 shilde kúni nóser jaýynnan Túpqaraǵan aýdanyndaǵy demalýshylardyń da kólikterin sel aǵyzyp ketken edi.