Sheteldik tanymal mýltfılm arnalary qazaqshalanýy múmkin
«Al, endi til máselesi - bul rýhanııattyń ózegi. Bul rette de qazirgi tańda Aqparat jáne qoǵamdyq damý mınıstriniń tapsyrmasymen qarastyrylyp jatqan bastamalar bar. Máselen - elimizdiń kabeldik operatorlary arqyly taraıtyn sheteldik telearnalardy qazaq tiline aýdarý. Árıne, kez kelgen eldiń erteńi - bala tilinde. Sondyqtan bul jumysty sheteldik tanymal mýltfılm arnalarynan bastaý kerek degen usynys bar. Sóz joq, bul bastamalar áli qoǵamdyq talqylaýdan ótip, tıisti mamandardyń, sarapshylardyń, zııaly qaýymnyń, ata-analardyń qoldaýymen bolatyn dúnıeler», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda.
Vıtse-mınıstrdiń aıtýynsha, Aqparat jáne qoǵamdyq damý mınıstrligi úshin eń birinshi mindet - bul «Rýhanı jańǵyrý» baǵdarlamasynyń tıimdiligi.
«Bul baǵytta mınıstrliktiń barlyq múmkindigi jáne eń bastysy, tolyq túsinigi bar. Rýhanııat máselesi bul - jalǵyz memlekettiki emes, ortaq másele. Sondyqtan da oǵan qoljetkizý úshin bir ǵana memlekettiń jumysy az. Árbir azamat atsalysýy kerek dep oılaımyz. Sonda ǵana «Rýhanı jańǵyrý» baǵdarlamasyn iske asyrýda jańa serpin kóretin bolamyz»,- dedi Bolat Tilepov.