Sheteldik sarapshy Qazaqstandaǵy quqyq salasyn reformalaý protsesin joǵary baǵalady

ALMATY. QazAqparat – Almatyda ótken halyqaralyq dóńgelek ústel otyrysynda sheteldik sarapshylar Qazaqstandaǵy quqyq qorǵaý jáne sot júıesin reformalaý kezeńderine baǵa berdi, dep habarlaıdy QazAqparat tilshisi.

RF Máskeý Tergeý komıteti akademııasynyń professory, zań ǵylymdarynyń doktory ıÝrıı Golık Qazaqstanda júrgizilip jatqan quqyq qorǵaý salasyn reformalaý protsesine pikir bildirdi.

«Álemniń ózgerýine baılanysty qylmyspen kúres salasy, quqyq qorǵaý salasy da ózgerýi tıis. Bul ózgerister jıi bolyp turýy kerek. Quqyq qorǵaý júıesin reformalaý obektıvti qajettilik dese de bolady. Ony qalaı júzege asyrýǵa bolady? Keshendi túrde. Reforma qurylymdyq, uıymdyq, kadrlyq kópdeńgeıli sıpatta bolǵany abzal. Ol temirdeı qatty zańǵa negizdelýi tıis. Qazir qoldanystaǵy normatıvtik quqyqtyq aktilerdi keshendi jáne júıeli revızııadan ótkizý qajet. Eń aldymen, qylmystyq, qylmystyq-protsessýaldyq, qylmystyq-atqarý kodeksteri ózgeriske ushyraýy kerek», - dedi reseılik sarapshy.

Onyń aıtýynsha, osy baǵyttaǵy eń qıyny qylmyspen kúres ıdeologııasyn qalyptastyrý bolmaq.

«Qazaqstan qylmyspen kúres ınstıtýtyn qurý barysynda belgili bir ilgerileýge qol jetkizdi. Biz áli bir orynda turmyz nemese jaqyndap kelemiz. Alaıda, barlyq álemdegi qylmystyq júıeni, Qazaqstandaǵy ózgeristerdi baqylap otyramyz», - dedi spıker.