Sheteldik nómiri bar kólikterdi polıtsııanyń toqtatýyna negiz bolatyn faktorlar zańmen bekitilmek

ASTANA. QazAqparat – Premer-Mınıstrdiń birinshi orynbasary Roman Sklıar Májilis depýtattarynyń saýalyna bergen jaýabynda «Jol júrisi týraly» Zańǵa sheteldik nómiri bar kólikterdi toqtatý erejesin qamtıtyn ózgerister engizlýi múmkin ekenin málim etti, dep habarlaıdy QazAqparat.

«Sheteldik kólikterdi baqylaýdyń tıimdiligin arttyrý úshin «Jol júrisi týraly» Zańǵa kólik quralyn toqtatýǵa negiz bolatyn ózgeristerdi engizý týraly bastama jasaldy. Bul shetelde tirkelgen avtomobıl ıelerinde tirkeý qujattarynyń, memlekettik nómirlik belgilerdiń, júrgizýshi kýáliginiń, avtosaqtandyrýdyń bolýyn jáne túpnusqalyǵyn tekserýdi qamtıdy», - delingen jaýapta.

Jaýapta mundaı ózgeristiń ne úshin qajet bolǵany týraly túsinikteme berilgen.

«Atalǵan ózgerister Parlament Májilisindegi «Qazaqstan Respýblıkasynyń keıbir zańnamalyq aktilerine jol júrisin uıymdastyrý máseleleri boıynsha ózgerister men tolyqtyrýlar engizý týraly» Zań jobasy sheńberinde bastamashylyq etildi. Sondaı-aq, Іshki ister mınıstrligi kedendik bajdar men basqa da alymdardy tóleýdi aınalyp óte otyryp, ýaqytsha ákelinetin sheteldik avtomobılderdi zańsyz zańdastyrýdyń jolyn kesýge baǵyttalǵan aldyn alý sharalaryn qabyldady», - dep jazady Roman Sklıar.