Sheteldik muraǵattardaǵy málimetter shynaıy Qazaqstan tarıhyn jazýǵa jetkiliksiz - antropolog Orazaq Smaǵulov
«Muraǵattardaǵy málimetter Qazaqstannyń shynaıy tarıhyn jazýǵa jetkiliksiz. Tarıhty zertteý kezinde, qazir kim qaı elge barmasyn, HV-XVII ǵasyrdan arǵy kezeńderge bara almaıdy. Qandaı da bir derekter tapqannyń ózinde onyń shynaıylyǵyna esh senim joq. Óıtkeni olar sol eldiń múddesine qaraı, ıdeologııalyq turǵydan jazylǵan. Sondyqtan tarıhty tanýda endi negizinen genetıkalyq zertteýlerge arqa súıeý kerek», - deıdi tarıh ǵylymdarynyń doktory, QR UǴA akademıgi Orazaq Smaǵulov.
Ǵalymnyń aıtýynsha, bizde qazir antropologtar daıyndalmaıdy. Antropologııa eshbir joǵary oqý ornynda jeke pán retinde oqytylmaıdy. Sol sebepti bıologııa salasyndaǵy tarıhqa qyzyǵýshylyq bildiretin, shet tilin jetik biletin jas mamandardy shetelge jiberip tájirıbeden ótkizý kerek. Tek arheologııalyq qazba jumystary kezinde tabylǵan materıaldarǵa jan-jaqty zertteý júrgizý arqyly ǵana tarıhty ańyz ben áfsanadan aryltýǵa bolady.