Sheteldik mamandar qazaqstandyq áriptesterinen 10 ese kóp jalaqy alady
Bul týraly QR Eńbek jáne halyqty áleýmettik qorǵaý mınıstrliginiń saıty habarlady.
Máselen, «Ekspertız s.r.l.» kompanııasynyń Atyraý oblysyndaǵy bólimshesinde qazaqstandyq qyzmetkerdiń jalaqysy 341 300 teńge bolsa, sheteldik qyzmetkerdiń jalaqysy 3 mln. 817 100 teńge. Bul jónindegi is qaǵazdary qaralý ústinde.
Tekserý barysynda osyndaı jaǵdaılar basqa da óńirlerde anyqtalyp bolyp otyr. Atap aıtar bolsaq, Almaty qalasyndaǵy «Ýrım Konstrakshn LTD» kompanııasy qyzmetkerleriniń eńbekaqysynda da osyndaı aıyrmashylyqtar baıqalǵan. Atalmysh kompanııanyń tehnıkalyq dırektory 95 myń teńge alady. Onyń ústine 25 myń teńge ústemaqy qosylady. Al onyń sheteldik áriptesiniń jalaqysy - 455 000 teńge. Oǵan qosa 45 myń ústemaqysy bar. Qurylys jónindegi dırektorlar sáıkesinshe 300 000 jáne 500 000 teńge, 1-shi sanattaǵy jobalaýshy ınjenerler 60 000 jáne 359 700 teńge, tehnıkalyq damytý qyzmetiniń bastyqtary 200 000 jáne 500 000 teńge alady.
Almaty oblysyndaǵy «Stekolnaıa kompanııa SAF» kompanııasynyń «ıÝjnyı - 1,2» bólimshesinde zaýyttyń áınekjasaýshy mashınasynyń qazaqstandyq operatory aıyna 75 099 teńge tabady, al onyń sheteldik áriptesi 211 648 myń teńge alady. Aqtóbe oblysyndaǵy «Sagız Petroleým» JShS-nyń teń dárejeli qyzmetkerleri sáıkesinshe 170 myń jáne 512 481 teńgeden tabady. Bul jónindegi is qaǵazdary prokýratýraǵa joldanǵan.
Sonymen qatar osyndaı dısproportsııalar «Borýsan Makına Qazaqstan» JShS-nde (Almaty q. jáne Aqtaý q-daǵy bólimshe), AK «Djengız Inshaat Sanaııı Ve Tıdjaret Anonım Shırketı» bólimshesi, «KCC Engineering & Construction Co. Ltd.» AQ bólimshesi (Jambyl obl.) jáne basqa da kóptegen kompanııalarda oryn alǵan.
Aqmola, Shyǵys Qazaqstan, Qaraǵandy jáne Qostanaı oblystarynda eńbekaqy aıyrmashylyqtary baıqalǵan joq.
Eńbek jáne halyqty áleýmettik qorǵaý mınıstrliginiń qoldanǵan sharalary aıasynda belgili bolǵan faktiler prokýratýra organdaryna jiberildi.