«Sheteldik kompanııaǵa qatań talap qoıylady» - BAQ-qa sholý
***
«Keshe Belarýs astanasy - Mınsk qalasynda TMD-ǵa múshe elder Memleket basshylarynyń kezekti keńesi bolyp ótti. Keńeske Qazaqstan Prezıdenti Nursultan Nazarbaev, Belarýs Prezıdenti Aleksandr Lýkashenko, Reseı Prezıdenti Vladımır Pýtın, Ýkraına Prezıdenti Vıktor ıAnýkovıch, Armenııa Prezıdenti Serj Sargsıan, Moldova Prezıdenti Nıkolae Tımoftı, Ózbekstan Prezıdenti Islam Karımov, Tájikstan Prezıdenti Emomalı Rahmon, Ázerbaıjan Prezıdenti Ilham Álıev, sondaı-aq, Qyrǵyzstan Premer-mınıstriniń orynbasary Joomart Otorbaev pen Túrkimenstan Úkimeti tóraǵasynyń orynbasary Annamuhammed Gochyev qatysty», - dep jazady «Egemen Qazaqstan» gazeti senbilik nómirindegi «Múddeler men múmkindikter ekshelgen keńes» degen taqyryptaǵy maqalasynda. Basylymnyń atap ótýinshe, alqaly jıynda sóz alǵan Qazaqstan Prezıdenti Nursultan Nazarbaev: «Biz 2014 jyldy «TMD-daǵy Týrızm jyly» dep jarııalaýǵa kelistik. Bul baǵytta elderimiz mınıstrlikteriniń qolǵa alýymen tıisti baǵdarlamalar qabyldandy. Bul baǵdarlamalar bizdiń memleketter arasyndaǵy ózara yntymaqtastyqty damytýǵa serpin beredi dep oılaımyz. Men «Dostastyq elderiniń mádenı astanalary» memleketaralyq baǵdarlamasynyń mańyzy óte zor dep esepteımin. Keler jyly «Dostastyqtyń mádenı astanasy» atyn Qazaqstannyń Almaty qalasy ıelenedi. Biz bul sharany joǵary deńgeıde ótkizý úshin ázirlik jumystaryn júrgizetin bolamyz», dedi.
«Egemen Qazaqstan» gazetiniń jazýynsha, Premer-Mınıstr Serik Ahmetovtiń Almaty oblysyna sapary agrarly sala jetistikterin kórýden bastalyp, Jetisýda júzege asyrylyp jatqan serpindi jobalar sanatyna kiretin «Sarybulaq kompanııasy» JShS-niń 16 myń tonnaǵa jýyq qus etin óndiretin óndiris ornyn, Almaty jeldetkish zaýytyn da bolyp, olardyń tynys-tirshiligimen tanysty. Sonymen qatar Serik Ahmetov Almaty-Qapshaǵaı arasynda salynatyn G4 City atty spýtnıktik 4 qala jobasynyń júzege asyrylý barysymen de egjeı-tegjeıli tanysyp, sheteldik kompanııa ókiline qatań talap qoıdy. «Negizi bul joba jónindegi tapsyrmany Memleket basshysy 6 jyl buryn Almaty oblysyna kelgen jumys saparynda bergen bolatyn. Sonymen qatar, Koreıa Respýblıkasynyń Prezıdenti Lı Men Baktyń Qazaqstan Respýblıkasyna sapary barysynda bekitilgeni taǵy bar. Elbasynyń dástúrli Joldaýynda Almaty qalasynyń mańynan spýtnıktik 4 qala Green4 jobasyn bastaý usynylǵan. Bul jobanyń negizgi maqsaty - Qazaqstandy damyǵan ústine damyta túsý úshin Ortalyq Azııa halyqaralyq saýda uıymyna engizý. Sóıtip, eldiń jalpy ekonomıkalyq rynoktaǵy belsendiligin arttyryp, týrızmdi damytyp, ekologııalyq tepe-teńdikti saqtap, Almaty qalasyn óndiris oryndarynan birtindep bosatý arqyly eńbek rynogy máseleleri men turǵyn úı problemalaryn sheshý bolyp tabylady», - dep jazady basylym. Maqala «Sheteldik kompanııaǵa qatań talap qoıylady» degen taqyryppen berilgen.
***
«Sońǵy tórt jylda elimizde temir tulpar minýshiler 5 ese kóbeıipti. Soǵan saı satylǵan kólik sany da artqan. Eger avtokólik saýdasy osy baǵyttan taımasa, onda 2020 jylǵa deıin Qazaqstan naryǵynda 2 mln avtokólik satýǵa bolatyn kórinedi», - dep jazady «Aıqyn» gazeti senbilik sanyndaǵy «Kári» kólikpen qoshtasýǵa mindettemek» degen taqyryptaǵy maqalasynda. Basylymnyń jazýynsha, bul týraly Parlament Májilisindegi «Nur Otan» partııasy fraktsııasy janyndaǵy ekonomıkalyq saıasat jónindegi keńestiń kóshpeli otyrysynda aıtyldy. Indýstrııa jáne jańa tehnologııalar birinshi vıtse-mınıstri Albert Raýdyń aıtýynsha, eger 2009 jyly mashına qurylysy salasyndaǵy óndiris kólemi 200 mlrd teńge bolsa, osy jyldyń sońynda 800 mlrd teńgege jetedi degen úmit basym. Muny Statıstıka agenttiginiń málimeti le rastaıdy. Ústimizdegi jyldyń alǵashqy 9 aıynda mashına jasaýdaǵy eńbek ónimdiligi 2008 jylǵy sáıkes kezeńmen salystyrǵanda 153 paıyzǵa ulǵaıǵan, taratyp aıtsaq jeńil kólik shyǵarý 7,6 esege traktorlar sany 4,2 esege ósken. Alaıda kombaın qurastyrý 467-den 344-ke deıin, al akkýmýlıator óndirisi 6-15 paıyzǵa tómendegen.
Qazaqstan sońǵy jyldary aǵza aýystyrý salasyn damytýǵa úlken mán berip keledi. Osy maqsatta mıllıondaǵan qarjy bólinip, dárigerler shetelden tájirıbe jınaqtap, ortalyqtar qymbat qural-jabdyqtarmen jabdyqtalyp jatyr. Alaıda qansha tyrysqanmen, transpantologııa salasy bir kedergiden óte almaı keledi. Ol - donor jetispeýshiligi. Osy ýaqytqa deıin jasalyp kelgen aǵza aýystyrý otalarynyń bári naýqastyń týysqandary erikti túrde usynǵan aǵzalardyń arqasynda júzege asqan. Al qaıtys bolǵan jannyń júrek, búırek, baýyr syndy aǵzasyn kádege jaratýǵa berilgen kelisim birli-jarym ǵana. Osy jaıt arqaý bolǵan maqala «Aıqyn» gazetinde «Transplantologııa salasynyń túıtkili nede?» degen taqyryppen berilgen. Basylym alǵa tartqan statıstıkalyq derekterge júginsek, búgingi tańda el boıynsha 3 myńǵa jýyq naýqas búırek aýystyrýǵa, 1 myń adam baýyrǵa, 800 adam «jańa» júrekke muqtaj. Búırek pen baýyrdy týystan alýǵa, al, júrekti tek mıy jumysyn toqtatqan adamdardan alýǵa bolady.