Sheteldik qatysýy bar barlyq salyq tóleýshini tekserý múmkin emes – mınıstr
«Qazirgi ýaqytta Qarjy mınıstrliginiń Memlekettik kirister komıteti osy jyldyń ekinshi jartyjyldyǵyna merzimdi tekserýler boıynsha tekserý kestesin túzýis-sharasyn júrgizip jatyr. Sonymen birge, sheteldik qatysýy bar barlyq salyq tóleýshige qatysty tekserý júrgizý múmkin emes. Osylaısha, júrgizilip jatqan saıasat bıznes sýbektilerin tekserýdi barynsha azaıtý bolyp tabylady. Bul rette jumystaǵy ekpin senimsiz salyq tóleýshilerdi anyqtaýǵa múmkindik beretin táýekelderdi basqarý júıesi jáne kameraldyq baqylaý arqyly qamtamasyz etiledi», – dedi Erulan Jamaýbaev jaýabynda.
Onyń atap ótýinshe, Salyq kodeksiniń 145-babyna sáıkes, tekserý táýekelderdi baǵalaý negizinde merzimdi salyqtyq tekserý jáne jospardan tys salyqtyq tekserý dep bólinedi.
«Sonymen qatar memlekettik kirister organy salyqtyq baqylaýdyń basqa da formalaryn júzege asyrady. Máselen, kameraldyq baqylaý salyq deklaratsııa málimetteri jáne basqa da aqparat kózderi negizinde júzege asyrylady. Memlekettik kirister organynyń aqparattyq júıesi bıznes sýbektileriniń zań buzýshylyǵyn erte satyda anyqtaýǵa múmkindik beredi. Aıtalyq, 2021-2023 jyldary tirkelýin (qaıta tirkelin) sot zańsyz dep tanyǵan kompanııalardyń kontragentterine qatysty kameraldyq baqylaý júrgizýdiń nátıjesinde 34,7 mlrd teńge qosymsha salyq túsimi qamtamasyz etildi», – dedi mınıstr.