Sheteldik ınvestorlar qazaqstandyq kadr daıyndaý isine aralasýy tıis

NUR-SULTAN. QazAqparat - Sheteldik ınvestorlar qazaqstandyq túlekterdi baǵalaý isine aralasýy tıis. Bul týraly búgin elordada ótken Sheteldik ınvestorlar keńesiniń otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Kásiporyndar, bıznes, jumys berýshi talaptary men joǵary bilimniń ózara baılanysyn kúsheıtý qajet. Joǵary bilim sapaly daıyndyqty jáne soǵan oraı túlektiń tabysty jumysqa ornalasýyn qamtamasyz etýi tıis», - dedi Memleket basshysy.

Qazaqstan Prezıdenti ótken jyldan bastap elimizdiń joǵary oqý oryndaryna akademııalyq, basqarý, kadrlyq jáne qarjylyq máselelerde derbestik berilgenin, bilim salasynda arnaıy zań qabyldanǵanyn aıtty.

«Avtonomııa joǵary oqý oryndary damýy men tıimdiliginiń irgeli tetikterine aınalýy tıis. Endigi ýaqytta joǵary oqý oryndary ne oqytatynyn, qalaı oqytatynyn ózi sheshedi. Bilim baǵdarlamasy jumys berýshi men stýdenttiń naqty qajettiligimen túziledi. Jyl saıyn JOO-lardyń táýelsiz reıtıngi bizge bul mindetti kim oryndaı alǵanyn, al kimniń oryndaı almaǵanyna qatysty naqty jaıtty kórsetip beredi. Sheteldik ınvestorlar keńesi de túlekterdi baǵalaýmen qatar joǵary bilim júıesin jetildirý, memleketterimizdiń joǵary oqý oryndarynyń arasyndaǵy akademııalyq jáne ǵylymı baılanysty jolǵa qoıý máselesine de óz úlesin qosa alatynyna senimdimin», - dedi Memleket basshysy.