Sheteldik ınvestıtsııa esebinen 130 myń jumys orny ashylady

ASTANA. QazAqparat – Іri ónerkásip kásiporyndary men halyqaralyq korporatsııalardy Qazaqstanǵa kóshirý baǵytynda 62 kompanııamen júrgizilgen jumys nátıjesin berip jatyr. QR Syrtqy ister mınıstriniń birinshi orynbasayr Qaırat Omarov Úkimet otyrysynda osyndaı málimet aıtty, dep habarlaıdy QazAqparat tilshisi.

«Nysanaly kórsetkishterge qol jetkizý úshin shetelden tikeleı tartylatyn ınvestıtsııalardyń kórsetkishterin aldaǵy jyldarǵa oń serpindi saqtaı otyryp bólý kózdelgen. ıAǵnı, 2023-2026 jyldardyń boljamdy kórsetkishteri 2026 jylǵa deıingi ınvestıtsııalyq saıasat tujyrymdamasyna sáıkes keledi.

Jyl basynan beri jalpy somasy 3,7 mlrd dollar bolatyn úsh myńnan astam jumys orny quryldy. Taǵy 5 joba iske qosylady dep kútilýde», - dedi birinshi vıtse-mınıstr.

Sondaı-aq, ol álemniń 30-dan astam elinen 850 jobaǵa 29,75 trln teńge ınvestıtsııa tartý kózdelgenin atap ótti.

«Osynyń arqasynda 130 myń jumys orny qurylady. Qazaqstan aýmaǵyna iri ónerkásip kásiporyndary men halyqaralyq korporatsııalardy kóshirý protsesi júrip jatyr. Búgingi tańda 62 kompanııa boıynsha naqty nátıje bar», - dedi Qaırat Omarov.