Sheteldik dıplomattar Baıqońyrda boldy

ASTANA. QazAqparat - Qazaqstanda tirkelgen dıplomatııalyq korpýs basshylary «SOıÝZ-MS-07» basqarylatyn transporttyq ǵarysh kemesin ushyrýdy tamashalady. Bul týraly QR SІM baspasóz qyzmeti habarlaıdy.

Elshilerdiń «Baıqońyrǵa» saparyn Qyzylorda oblysynyń ákimdigi jáne Qazaqstannyń Syrtqy ister mınıstrligi uıymdastyrdy.

Ǵarysh aılaǵyna sapar aıasynda dıplomattar «Baıqońyr» murajaıyna baryp, onda aılaq murajaıyn, «Býran» orbıtalyq kemesin, jáne S.P.Korolev pen ıÝ.A.Gagarınniń memorıaldyq úılerin kórdi. 16 dıplomatııalyq mıssııanyń basshylary sondaı-aq «Qorqyt-ata» memorıaldyq keshendi aralady.

Saparǵa Avstrııa, Armenııa, Indonezııa, Iran, Kanada, Kýba, Majarstan, Marokko, Nıderlandy, Rýmynııa, Slovakııa, Shveıtsarııa elshileri, sondaı-aq Eýropalyq odaq, EQYU, BUU Bosqyndar jónindegi joǵary komıssar basqarmasy jáne Dúnıejúzilik densaýlyq saqtaý uıymy ókildikteriniń basshylary qatysty.

Elshilerdiń sapary Qazaqstan óńirlerine sheteldik ınvestıtsııalardy tartý, olardyń týrıstik áleýetin nyǵaıtý jáne jaǵymdy ımıdjin qalyptastyrý boıynsha memlekettiń sharalary aıasynda uıymdastyryldy.