Sheteldik depýtattar men uıymdar QR-daǵy azaptaýǵa qarsy turý mehanızmimen tanysty

ASTANA. QazAqparat - Almaty Іshki ister departamentinde Bas prokýrordyń orynbasary Erlik Kenenbaev, Іshki ister mınıstriniń orynbasary Rashıd Jaqypov, Syrtqy ister mınıstriniń orynbasary Roman Vasılenko, Sybaılas jemqorlyqqa qarsy kúres boıynsha Ulttyq bıýrosy tergeý basqarmasynyń bastyǵy Sergeı Perov sheteldik depýtattar men jýrnalısterge jáne sheteldik ÚEU ókilderine arnalǵan Qazaqstandaǵy azaptaýǵa qarsy turý mehanızmin kúsheıtý sharalary jáne adam quqyqtaryn qorǵaý júıesin nyǵaıtý jóninde brıfıng ótkizdi, dep habarlandy Almaty ІІD saıtynda.

Brıfıngke qatysqan sheteldik delegattar, sonyń ishinde Ispanııa, Rýmynııa jáne Polsha parlamentteriniń ókilderi, Italııanyń, Chehııanyń úkimettik emes uıymdarynyń ókilderi, sondaı-aq Qazaqstan Respýblıkasy Parlamenti Senatynyń depýtattary Qazaqstandaǵy penıtentsıarlyq júıeniń ahýalymen tanysty. Tanystyrylymda  Qazaqstan Respýblıkasynyń 1998 jyly BUU Azaptaýlarǵa qarsy konventsııasyna qosylǵannan bergi ýaqytta azaptaýǵa qarsy tıimdi ulttyq júıe qurylyp, nátıjeli  jumystar júrgizilgeni aıtyldy.

Jıynda Qazaqstannyń ashyq, demokratııalyq jáne quqyqtyq memleket ekendigi basa aıtyldy. Búginde elimizdiń memlekettik organdary azaptaý faktilerin búrkemelep, kinálilerdi qorǵamaıdy. Memlekettik saıasat árbir shaǵymdy muqııat zerdelep, jábirlenýshi taraptyń zańdy  quqyqtaryn ádil túrde qalpyna keltirýge baǵyttalǵan.

«Qazaqstan Respýblıkasynyń Konstıtýtsııasy men qoldanystaǵy zańnamasynda azaptaýdy, zorlyq-zombylyqty jáne basqa da qatygezdikti qoldaıtyn  nemese qadir-qasıetti qorlaıtyn is-áreketter men jazalaý túrlerine tyıym salǵany týraly jarııalanǵan. Qazaqstan Respýblıkasynyń qabyldanǵan barlyq sharalar qoǵam men memlekettik organdarda azaptaýǵa baılanysty «nóldik toleranttylyq» atmosferasyn qurýǵa baǵyttalǵan. Bul qaǵıda sońǵy jyldardaǵy kóptegen reformalar úshin negiz bolyp tabylady», - dedi  Qazaqstan Respýblıkasy Іshki ister mınıstriniń orynbasary, general-maıor Rashıd Jaqypov.

Kezdesý barysynda qatysýshylar  Іshki ister mınıstrliginiń «1402» biryńǵaı senim telefonyna nazar aýdardy.  Bul jalpy shaǵymdar men azaptaý týraly aryzdardy berýdiń tıimdi tetigi. Qatysýshylar, sondaı-aq, Qazaqstandaǵy penıtentsıarlyq júıeniń barlyq mekemelerinde sottalǵandar úshin qoljetimdi oryndarda belgilengen shaǵymdarǵa arnalǵan arnaıy qoraptarǵa kóńil bóldi.

Zańnamalyq sharalardan basqa birqatar praktıkalyq jumystar da júzege asyrylýda. Quqyq qorǵaý organdarynyń ǵımarattarynda beınekameramen jabdyqtalǵan tergeý jumystaryna arnalǵan «ashyq kabınetter» birtindep engizilip jatyr. Búgingi tańda respýblıkada mundaı 700 kabınet bar.

2017 jyly júrgizilgen jumystardyń nátıjesinde qysqarǵan shaǵymdar reti:

- polıtsııanyń áreketteri men sheshimine qatysty - tórtten biri azaıdy;

-zańsyz tergeý ádisteri - jartysy azaıdy;

- azamattardy zańsyz ustaý eki ese azaıdy.

«Azaptaý qurbandary tegin quqyqtyq kómek alýǵa, áleýmettik-medıtsınalyq jáne psıhologııalyq qyzmetterge qol jetkizý boıynsha qosymsha quqyqtarǵa ıe. Qazaqstannyń barlyq aımaqtarynda daǵdarystyq ortalyqtar quryldy jáne jumys isteıdi. Memleket azaptaý qurbandaryn tolyǵymen saýyqtyrý jáne ótemaqy tóleý boıynsha tolymdy jumystar atqaryp keledi», - dedi Rashıd Jaqypov.