Sheteldik baıqaýshy Almatyda ótip jatqan saılaý jaıynda pikir bildirdi

ALMATY. QazAqparat- Almaty turǵyndary saılaýǵa senimmen qaraıdy. Mundaı pikirdi IFRI ortalyǵynyń (Frantsııanyń halyqaralyq qatynastar ınstıtýty) sarapshysy Mıkael Levıston aıtty, dep habarlaıdy QazAqparat tilshisi.

Sheteldik baıqaýshy megapolıste ótip jatqan saılaý týraly áserin bólisti.

«Bárinen de saılaý protsesine jastarmen qatar aǵa býyn ókilderiniń de qatysýy tań qaldyrady. Saılaý qarqyndy jáne belsendi ótip jatyr», - dedi Mıkael Levıston.

Búgin frantsýz baıqaýshysy 5 saılaý ýchaskesinde bolǵan, onyń biri Ulttyq kitaphanada ornalasqan.

«Men Jańa Qazaqstan úshin daýys berýge kelgen adamdarǵa kóp kóńil bóldim. Jáne bul tek 50 jáne 60 jastaǵy adamdar ǵana emes. Kelýshiler arasynda 18 jastaǵy azamattar da bar, mysaly, saılaýǵa ómirinde birinshi ret kelgen jigit te boldy. Memlekettiń óz bolashaǵyna senimmen qaraıtyny anyq», - dedi spıker.

Sondaı-aq, ol Qazaqstanda múmkindigi shekteýli jandardyń saılaý ýchaskelerine kelýi úshin búkil jaǵdaı jasalǵanyn, onyń kóptegen elderge úlgi ekenin atap ótti.