Sheteldik BAQ-taǵy Qazaqstan: ShYU-ǵa tóraǵalyq, Lıýksembýrgpen vızany jeńildetý máselesi
The Economic Times:Kelesi aptadaǵy sammıtten soń ShYU tóraǵalyǵy Úndistannan Qazaqstanǵa ótedi
The Economic Times gazeti 4 shildedegi ShYU sammıtinen keıin Qazaqstan 2023 jylǵy shildeden 2024 jylǵy shildege deıin Uıymǵa tóraǵalyq etetini týraly jazdy.
«Tóraǵalyq kezinde Qazaqstan qaýipsizdik máselelerine, ekonomıka men saýdaǵa, energetıka men densaýlyq saqtaý salasyna basa nazar aýdarady», — delingen materıalda.
Trend.az:Qazaqstan men Lıýksembýrg vızalyq rejımdi jeńildetý máselesin talqylady
30 maýsymda Trend.az basylymynda jarııalanǵan maqalada QR Premer-Mınıstriniń orynbasary – Syrtqy ister mınıstri Murat Nurtileý men Lıýksembýrg Uly Gertsogtiginiń Syrtqy jáne eýropalyq ister jónindegi mınıstri Jan Asselborn eki el azamattary úshin vıza rejımin jeńildetý máselesin talqylaǵanyn habarlady.
Foto: trend.az
Kezdesý barysynda qos tarap mádenı-gýmanıtarlyq baılanystardy keńeıtýdiń aıtarlyqtaı áleýeti baryn atap ótip, eki el azamattarynyń ózara qarym-qatynasyn jaqsartý úshin qolaıly jaǵdaı jasaýdy talqylady.
Murat Nurtileý Lıýksembýrg azamattary basqa eýropalyqtarmen qatar Qazaqstanǵa týrıstik nemese iskerlik vıza rásimdemeı kele alatynyn aıtty. Ol shengen kelisimine Lıýksembýrg aýmaǵynda qol qoıylǵanyn eskerip, Asselborn myrzadan Qazaqstan azamattary úshin Eýropa Odaǵymen vızalyq rejımdi lıberalızatsııalaý tóńiregindegi resmı konsýltatsııaǵa qoldaý kórsetýdi surady.
Sonymen qatar Murat Nurtileý Asselborn myrzaǵa kelissóz barysynda Qazaqstannyń saıası dıalogty, saýda-ekonomıkalyq jáne mádenı-gýmanıtarlyq yntymaqtastyqty keńeıtýge degen nıetin qoldap, ony eki el úshin ortaq maqsat dep qýattaǵany úshin alǵys aıtty.
Eki mınıstr de ekijaqty qatynastardy jańa bıikterge kóterý maqsatynda tyǵyz yntymaqtastyqqa daıyn ekendikterin rastady.
Eureporter: Qazaqstan men Germanııa 1,7 mıllıard dollarlyq kelisimderge qol qoıdy
Eureporter basylymy 20 maýsymda Astanada ótken Qazaqstan-Germanııa bıznes-forýmynyń nátıjesinde quny 1,7 mıllıard dollardan asatyn 23 kommertsııalyq kelisimge qol qoıylǵany týraly habarlady.
Foto: akorda.kz
«Forýmǵa 19 maýsymda Qazaqstan Prezıdenti Qasym-Jomart Toqaev pen Qazaqstanǵa resmı saparmen kelgen Germanııa Prezıdenti Frank-Valter Shtaınmaıer qatysty. Taraptar sırek kezdesetin metaldardy óńdeý, stanoktar men aýylsharýashylyq mashınalaryn jasaý, sondaı-aq toqyma ónerkásibi, balyq aýlaý jáne jasyl energetıka salalarynda yntymaqtasýǵa kelisti», - dep jazady basylym.
Pakistan observer:Iran men Qazaqstan aýyl sharýashylyǵyndaǵy saýda kólemin 1 mıllıard dollarǵa jetkizýdi kózdep otyr
Pakistan observer basylymy Iran Respýblıkasy Aýyl sharýashylyǵy mınıstriniń orynbasary Alıreza Peımanpaktyń Astanaǵa saparynyń negizgi maqsaty qazaqstandyq jáne ırandyq bıznes arasynda jańa iskerlik baılanys ornatý ekenin jazdy. Ol eki el aýyl sharýashylyǵy men tamaq ónerkásibinde saýda almasýdy 1 mıllıard dollarǵa jetkizýdi kózdep otyrǵanyn aıtty.
«Qazaqstanǵa sapary barysynda Iran delegatsııasy Almaty men Astanada jańa iskerlik jáne birlesken ınvestıtsııalyq múmkindikterdi engizý boıynsha eki mamandandyrylǵan iskerlik kezdesýge qatysty», — delingen maqalada.
Sondaı-aq Peıman-Pak Qazaqstan Premer-Mınıstriniń orynbasary, saýda mınıstri, Aýyl sharýashylyǵy mınıstri jáne Almaty ákimin qosa alǵanda, Qazaqstannyń resmı tulǵalarymen kezdesip, kelissózder júrgizip, onyń barysynda jemister men kókónister, sút ónimderin eksporttaý sııaqty túrli salalardaǵy yntymaqtastyǵy, sondaı-aq Qazaqstan Respýblıkasynyń Iran naryǵyna jetkizý múmkindikterin talqylady.
TASS:Tbılısı, Astana jáne Baký Transkaspıı dálizi boıynsha Jol kartasyn damytýǵa kelisti
TASS aqparat agenttigi Qazaqstan, Grýzııa jáne Ázerbaıjan Transkaspıı (orta) kólik dálizin damytý boıynsha bes jyldyq Jol kartasyn damytýǵa keliskenin habarlady.
«Qazaqstanmen 2027 jylǵa deıin «Orta dálizdi» damytý jospary kelisildi. Biz Ázerbaıjan men Qazaqstanmen barlyq kedergini alyp tastaý jáne «orta dálizdi», sonyń ishinde Ortalyq Azııa, Qytaı men jalpy Azııa elderi úshin osy baǵyt boıynsha kóbirek júkterdiń ótýi úshin ony tartymdy etý maqsatynda yntymaqtasamyz», - dedi Grýzııa Premer-Mınıstri Iraklıı Garıbashvılı.
Grýzııa úkimetiniń basshysy úsh el barlyq kedergini joıý jáne orta dálizdi odan da tıimdi etý úshin jumys istep jatqanyn atap ótti.
Agenda.ge: Grýzııa Premer-Mınıstri Qazaqstanmen «tyǵyz, strategııalyq» baılanystardy quptady
23 maýsymda QR Premer-Mınıstri Álıhan Smaıylov Grýzııaǵa resmı saparmen bardy. Grýzııa premer-mınıstri Iraklıı Garıbashvılı Grýzııaǵa alǵashqy resmı saparmen kelgen qazaqstandyq áriptesi Álıhan Smaıylovpen ótken brıfıngte óz úkimetiniń Qazaqstanmen «tyǵyz» jáne «strategııalyq» seriktestigin quptady.
Garıbashvılı týrıster aǵynymen birge Qazaqstanmen eksport pen saýdanyń da jyl sanap artqanyn aıtyp, óz eline qazaqstandyq ınvestıtsııanyń mańyzdy ekenin atap ótti.
Osy kezdesýler barysynda sońǵy 17 jylda grýzııalyq ınvestorlar Qazaqstanǵa 400 mıllıon dollarǵa jýyq ınvestıtsııa quısa, tek ótken jyldyń ózinde 100 mıllıon dollardan astam ınvestıtsııa salynǵany aıtyldy. Óz kezeginde qazaqstandyq kásipkerler Grýzııa ekonomıkasyna 530 mıllıon dollardan astam ınvestıtsııa quıǵan.
Sondaı-aq aǵymdaǵy jyldyń qańtar-sáýir aılary aralyǵynda Qazaqstan men Grýzııa arasyndaǵy taýar aınalymy 5 ese artyp, 167 mıllıon AQSh dollaryn quraǵany sóz boldy.