Sheteldik azamattar úshin emhanaǵa tirkelý erejeleri ózgerdi
«Nur-Sultan qalasy boıynsha Medıtsınalyq saqtandyrý qorynyń medıtsınalyq qyzmet jetkizýshileriniń arasynda 36 uıym alǵashqy medıtsınalyq-sanıtarııalyq kómek kórsetedi. Olardyń 18-i – memlekettik, qalǵany – jekemenshik klınıkalar», - delingen «Áleýmettik medıtsınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti málimetinde.
Medıtsınalyq-sanıtarııalyq alǵashqy kómek kórsetetin medıtsınalyq uıymdarǵa tirkelý tártibine ózgerister engizildi. Olar tek sheteldik azamattar men eńbek mıgranttaryna qatysty.
Jańa qaǵıdalarǵa sáıkes, eldiń aýmaǵynda ýaqytsha bolatyn nemese baspana izdep júrgen azamattyǵy joq sheteldik adamdardy emhanaǵa tirkeý erikti medıtsınalyq saqtandyrý (EMS) shartynyń negizinde jáne onyń qoldanylý merzimi aralyǵynda ǵana júzege asyrylady. Qoldanylý merzimi aıaqtalǵannan keıin olar medıtsınalyq uıymnan avtomatty túrde shyǵarylady.
EAEO-ǵa múshe memleketterden kelgen eńbek mıgranttarynyń mindetti túrde MSAK qyzmetterine erikti medıtsınalyq saqtandyrýy bolýy qajet.
Emhanaǵa tirkeýge ótinish erkin nysanda qazaq nemese orys tilinde, jeke basyn kýálandyratyn qujatty nemese sheteldik tólqujatty qosa bere otyryp, usynylady. Ótinish berýshi medıtsınalyq uıymǵa jeke ótinish berýi kerek nemese ol úshin erikti medıtsınalyq saqtandyrý shartyn jasasqan saqtandyrý uıymynyń ókilderi muny jasaýy kerek. Medıtsınalyq uıymdarǵa – áleýmettik medıtsınalyq saqtandyrý qorynyń jetkizýshilerine jáne Densaýlyq saqtaý mınıstrliginiń aqparattyq júıelerimen ıntegratsııalanǵan medıtsınalyq aqparattyq júıeleri bar medıtsınalyq uıymdarǵa tirkelýge bolady.
Qazaqstan aýmaǵyna ýaqytsha kelgen sheteldikter men olardyń otbasy músheleri MÁMS júıesinde qazaqstandyq azamattarmen birdeı quqyqtardy paıdalanady jáne mindetter atqaratyndyǵyn (QR «Mindetti áleýmettik medıtsınalyq saqtandyrý týraly»Zańynyń 3 babynyń 2 tarmaǵy) atap ótý mańyzdy.
QR azamattary, qandastar jáne QR aýmaǵynda turaqty turatyn sheteldikter úshin bekitý tártibi ózgerissiz qalady.
Qalaı bekitilý kerek?
Birinshi ádis (barlyǵy úshin). Elektrondyq úkimettiń veb-portaly arqyly bekitý www.egov.kz. «Densaýlyq saqtaý» bóliminde «Medıtsınalyq-sanıtarııalyq alǵashqy kómek kórsetetin medıtsınalyq uıymǵa tirkelý» qyzmetin tańdaý qajet. Jolaqtardy toltyrý arqyly medıtsınalyq uıymǵa ótinish berý kerek. Patsıent týraly málimetterdi emhana memlekettik aqparattyq júıelerden avtomatty túrde alady. Jaýap oń bolǵan jaǵdaıda azamatqa medıtsınalyq uıymnyń ETsQ-sy qoıylǵan elektrondyq qujat túrinde bekitilgeni týraly habarlama beriledi.
Ekinshi ádis (halyqtyń jekelegen sanattary úshin). Bekitý emhanaǵa erkin nysandaǵy ótinishpen jáne jeke basyn kýálandyratyn qujatpen tikeleı júgingen kezde júrgiziledi. Bul ádis zań boıynsha zeınetkerlerge, múgedekterge, qamqorshylarǵa, patronat tárbıeshilerge, kolonııalarda jazasyn ótep jatqan sottalǵandarǵa, stýdentterge, merzimdi áskerı qyzmetshilerge, shet memleketterde týylǵan balalarǵa jáne senimhat boıynsha tirkeýdi júzege asyratyn adamdarǵa ǵana qol jetimdi.
Qashan bekitilý kerek?
Qazaqstanda jyl saıyn 15 qyrkúıekten 15 qarashaǵa deıin MSAK medıtsınalyq uıymdaryna halyqty erkin tirkeý naýqany júrgiziledi. Medıtsınalyq kómekke qol jetkizbeı qalmaý úshin tirkelýdiń mártebesin tikeleı turǵylyqty jeri boıynsha emhanada nemese elektrondyq úkimet veb-portalynda ETsQ arqyly tekserý usynylady. Tirkeý nemese qaıta bekitý kezinde emhanany turǵylyqty jerine jaqyn jerden tańdaý usynylady, qajet bolǵan jaǵdaıda ýchaskelik dáriger naýqasqa úıge bara alady. Bul ásirese pandemııa kezinde óte mańyzdy.
«Naýqan kezinde MSAK uıymyna bekitile otyryp, azamattar medıtsınalyq kómekti 2022 jyldyń 1 qańtarynan bastap ala bastaıdy. ıAǵnı, osy jyldyń 31 jeltoqsanyna deıin azamattarǵa buryn tirkelgen emhanada qyzmet kórsetiledi», – dep túsindirdi Áleýmettik medıtsınalyq saqtandyrý qory.
Tirkeý naýqany Densaýlyq saqtaý sýbektileriniń derekqorynda tirkelgen jáne TMKKK jáne MÁMS boıynsha medıtsınalyq qyzmetter kórsetýge úmitker medıtsınalyq uıymdar arasynda ǵana júrgiziledi. Tirkelýge qoljetimdi emhanalardyń tizimimen Qordyń www.fms.kz saıtynda «Emhanany tańdaý» bóliminde tanysýǵa bolady.