Shetelderden dinı bilim alǵysy keletin talapkerler Qazaqstan Musylmandary dinı basqarmasynyń ruqsatymen ǵana shyǵýy múmkin
Mundaı oıdy búgin QR Bas Prokýratýrasynda 2013-2017 jyldar aralyǵyndaǵy QR Dinı ekstremızmmen jáne terrorızmmen kúres jónindegi memlekettik baǵdarlamasynyń jobasyn talqylaý barysynda Astanadaǵy Áziret Sultan meshitiniń Bas ımamy Qaırat Joldybaıuly bildirdi.
Onyń aıtýynsha, baǵdarlamany ázirleý barysynda mamandar din ókilderiniń aqyl-keńesterine kóp júgingen. Sonyń arqasynda árbir din qyzmetkeri ózin alańdatyp júrgen máselelerdi aıtýǵa múmkindik aldy.
«Baǵdarlamanyń basty maqsaty mektep jasyndaǵy, ýnıversıtettegi jastardyń sanasyn qalyptastyrý, dástúrli dindi túsindirý, sondaı-aq, olardyń ekstremızm men terrorızmge, túrli jat aǵymdarǵa qarsy ishki ımmýnıtetin qalyptastyrý bolyp tabylady», - dep atap ótti Q. Joldybaıuly.
Onyń aıtýynsha, shetelde júrgen stýdentterdi qatań qadaǵalaýǵa alý qajet. Olardyń qaıda oqyp júrgeni, qaı ýnıversıtetten bilim alyp jatqany, kimder jibergeni árdaıym arnaıy organdardyń nazarynda bolýy tıis.
«Baǵdarlamany jasaý kezinde shetelden ilim-bilim izdeýshiler Qazaqstan Musylmandary dinı basqarmasynyń ruqsatymen ǵana shyǵý jaǵy qarastyrylsa eken degen usynys aıtqan edik», - dep atap ótti Q. Joldybaıuly.