Shetelden ushyp kelgen tórt jolaýshydan koronavırýs anyqtaldy

NUR-SULTAN. QazAqparat - 12 naýryzda Qazaqstanǵa halyqaralyq avıareıstermen 3 599 jolaýshy keldi, dep habarlaıdy QazAqparat Sanıtarııalyq - epıdemıologııalyq baqylaý komıtetine silteme jasap.

Qazaqstan aýmaǵyna Italııa, Shrı-Lanka, QHR, BAÁ, Mysyr, Túrkııa, Grýzııa, Reseı Federatsııasy, Belarýs, Ózbekstan jáne Qyrǵyzstannan 24 halyqaralyq áýe reısi keldi.
3 599 áýe jolaýshylarynyń ishinde PTR testileýdiń teris nátıjesi bar anyqtamamen 3 326 adam, anyqtamasyz 273 adam keldi.
Onyń ishinde:
Almaty qalasynyń áýejaıyna – 12 reıs, 2 030 jolaýshy, anyqtamamen - 1 892, anyqtamasyz - 138;
Nur-Sultan qalasynyń áýejaıyna – 8 reıs, 1 260 jolaýshy, anyqtamamen - 1 160; anyqtamasyz - 100;
Shymkent qalasynyń áýejaıyna – 2 reıs, barlyq 147 jolaýshy anyqtamamen kelgen;
Aqtaý qalasynyń áýejaıyna – 1 reıs, barlyq 26 jolaýshy, anyqtamamen kelgen;
Oral qalasynyń áýejaıyna – 1 reıs, 136 jolaýshy, anyqtamamen - 101; anyqtamasyz - 35.
Anyqtamasyz kelgen Qazaqstan azamattary kelgen jerinde COVID-19-ǵa PTR taldaý ádisimen test tapsyrdy jáne karantın statsıonarynda nátıjesin kútedi.
Aıta keterlshigi, 11 naýryzda shetelden anyqtamasyz kelgen 631 Qazaqstan azamatynyń PTR taldaýynyń nátıjesi boıynsha tórt jolaýshydan koronavırýs ınfektsııasy anyqtaldy. Olardyń ishinde eki jolaýshy Dýbaı – Nur-Sultan reısimen, bir jolaýshy Máskeý– Nur-Sultan reısimen, taǵy bir jolaýshy Sharm-el-Sheıh – Nur-Sultan reısimen kelgen.