Shetelden kelgen aqmolalyqtar úı karantınine alynǵan

KÓKShETAÝ. QazAqparat - Búgin Aqmola oblysyndaǵy statsıonarlardaǵy 36 naýqastyń jaǵdaıy aýyr. Olardyń barlyǵyna KVI-ge qarsy vaktsına egilmegen. Infektsııalyq statsıonarlardyń tósek qorynyń jumyspen qamtylý paıyzy 33 paıyzdy qurady. Bul týraly brıfıngte óńirdiń bas memlekettik sanıtarlyq dárigeri Aınagúl Mýsına málim etti, dep habarlaıdy QazAqparat tilshisi.

Onyń aıtýynsha, Aqmola oblysynda koronavırýstyq ınfektsııamen syrqattanýshylyq boıynsha epıdemıologııalyq jaǵdaı salystyrmaly túrde turaqtandy jáne baqylaý deńgeıleri sheginde sıpattalýda.

«Ótken aptamen salystyrǵanda sońǵy aptada KVI-men syrqattanýshylyq 349-dan 315 jaǵdaıǵa deıin, ıaǵnı 10,7 paıyzǵa tómendegeni baıqalady. Infektsııalyq statsıonarda 254 patsıent em alýda, onyń ishinde 185 naýqas KVI (+) dıagnozy jáne 69 naýqas pnevmonııa (KVI–) dıagnozy bar. Naýqastardyń 36-nyń jaǵdaıy aýyr, olardyń barlyǵy KVI-ge qarsy egilmegen. Infektsııalyq statsıonarlardyń tósek qorynyń jumyspen qamtylý paıyzy 33 paıyzdy qurady», - dep atap ótti A.Mýsına.

Aımaqtyń bas memlekettik sanıtarlyq dárigeri atap ótkendeı, KVI aýrýynyń 90 paıyzy aǵymdaǵy jyly koronavırýstyń birneshe ret mýtatsııaǵa ushyraýyna baılanysty. Qazaqstanda tolyq genomdyq sekvenırleý júrgizildi, onyń nátıjeleri boıynsha búgingi tańda elimizde turǵyndar arasynda «úndi» jáne «brıtandyq shtamdar» bary anyqtaldy. Omıkron koronavırýs shtamynyń nusqasy tabylǵan joq.

«Jeltoqsan aıynyń basynan oblys aýmaǵyna 66 adam keldi, onyń ishinde Germanııadan - 20, Egıpetten - 42, Chehııadan - 4, barlyǵy medıtsınalyq baqylaýǵa úı karantınine oqshaýlandy. Onyń ishinde Kókshetaýda – 27 adam, Býrabaı aýdanynda – 22, Stepnogorde - alty, Sandyqtaý aýdanynda – tórt, Aqkól aýdanynda - úsh, Atbasar, Zerendi, Arshaly, Tselınograd aýdandarynda-bir adamnan turady. «Omıkron» vırýsyn anyqtaýǵa arnalǵan bıomaterıaldyń alty synamasy Almaty qalasynyń Ulttyq referents zerthanasyna jiberildi. Onyń qorytyndysy áli shyqqan joq», - dep túıindedi A.Mýsına.