Shetelden ınvestıtsııa tartý boıynsha Qazaqstan Ortalyq Azııada kósh bastap tur

ASTANA. QazAqparat – Byltyr elimizge tartylǵan tikeleı sheteldik ınvestıtsııalar kólemi 28 mlrd dollarǵa jetti. Bul týraly Ortalyq kommýnıkatsııalar qyzmetinde ótken brıfıngide Syrtqy ister mınıstriniń orynbasary Almas Aıdarov málim etti, dep habarlaıdy QazAqparat tilshisi.

«Syrtqy ister mınıstrliginiń ınvestıtsııalardy tartý jónindegi jemisti jumysynyń qorytyndylary jaqynda ıÝNKTAD-nyń 2023 jylǵy Álemdik ınvestıtsııalar týraly baıandamasynda kórsetildi. Teńizge shyǵa almaıtyn 32 damýshy elge tartylǵan tikeleı sheteldik ınvestıtsııa boıynsha 6%-ǵa ósim baıqalady. Olardyń ishinde eń úlken kólem Qazaqstanǵa tıesili. Sondaı-aq Qazaqstan postkeńestik keńistiktiń 15 eli arasynda jáne Ortalyq Azııada 61% úlespen ınvestıtsııa tartý boıynsha jetekshi orynǵa ıe boldy. Bul rette, Ózbekstan - 2,5 mlrd dollar, Lıtva - 2,2 mlrd dollar, Belarýs - 1,6 mlrd dollar, Latvııa - 1,5 mlrd dollar, Estonııa - 1,2 mlrd dollar, Túrikmenstan - 936 mln dollar, Ýkraına - 848 mln dollar ınvestıtsııa tartqan», - dedi mınıstrdiń orynbasary.

Onyń sózinshe, byltyr Qazaqstanǵa tartylǵan tikeleı sheteldik ınvestıtsııalar kólemi 28 mlrd dollarǵa jetken. Bul 2021 jylǵy kórsetkishterden 17,7%-ǵa artyq. Almas Aıdarovtyń aıtýynsha, atalǵan meje keıingi 10 jyldaǵy rekordtyq kórsetkish. ıAǵnı, sońǵy ret eń kóp ınvestıtsııa 2012 jyly tartylǵan. Onda qarajattyń jalpy kólemi 28,9 mlrd dollar bolǵan edi.