Shetelden aılyq alatyn qazaqstandyqtar salyqty qalaı tóleıdi
23:38, 26 Naýryz 2022
AQTAÝ. QazAqparat - Mańǵystaý oblysy boıynsha memlekettik kirister departamenti Qazaqstannnan tys jerden tabys alǵan jeke tulǵalar jeke tabys salyǵy boıynsha deklaratsııa tapsyrýǵa jáne osyndaı kiristen salyq somasyn tóleýge mindetti ekenin eske saldy, dep habarlaıdy QazAqparat.
Salyqty esepteý jeke tabys salyǵy boıynsha deklaratsııada (240.00 nysany) júrgiziledi, ol 2022 jylǵy 31 naýryzdan keshiktirilmeı turǵylyqty jeri boıynsha memlekettik kirister organyna usynylýy tıis.
Bul merzim 2021 jyly alynǵan tabys boıynsha belgilengen.
Salyq kezeńiniń qorytyndysy boıynsha salyq tóleýshi 2022 jylǵy 10 sáýirden keshiktirmeı, tabystyń 10% mólsherinde tóleıdi.
Deklaratsııany jeke tulǵalar turǵylyqty jeri boıynsha salyq organyna qaǵaz túrinde jáne «e-Salyq Azamat» mobıldi qosymshasy nemese salyq tóleýshiniń kabıneti arqyly cabinet.salyk.kz portalynda elektrondyq nysanda tapsyra alady.