Shetelden ákelingen kólikterdi zańsyz tirkeýmen aınalysqan qylmystyq top músheleri sottaldy

<p>ASTANA. KAZINFORM &ndash; Bıyl 25 sáýirde Astana qalasynyń qylmystyq ister jónindegi mamandandyrylǵan aýdanaralyq soty zańnamada kózdelgen alymdar men tólemderdi tólemeı, shetelden ákelingen avtokólikterdi tirkeý esebine zańsyz qoıýmen aınalysatyn arnaıy HQKO (Halyqqa qyzmet kórsetý ortalyǵy) mamandary men polıtsııa qyzmetkerlerine jáne azamattyq tulǵalarǵa qatysty úkim jarııalady.</p>

«Olar uıymdasqan top quryp, basshylyq jasaý, memleketke zalal keltirý, «Web-Modýl» QKO» jáne «HQKO IAJ» aqparattyq júıelerinde kólik quraldary týraly málimetterdi zańsyz engizý jáne joıý, mámilelerdiń jazbasha nysandaryn qoldan jasaý boıynsha aıypty dep tanyldy. 2022 jyldyń qańtarynan mamyryna deıin qylmystyq top shetelden ákelingen 462 avtokólikti zańsyz tirkegen. Memleketke keltirilgen jalpy shyǵyn 1,2 mlrd teńgeni quraıdy», - dep habarlaıdy Antıkor. 

Sot úkimimen 32 adam sottalǵan. Onyń ishinde qylmystyq toptyń uıymdastyrýshylary - Astana qalasynyń №2 mamandandyrylǵan HQKO basshysy Sh.Bókebaev pen Astana qalasynyń Arnaıy HQKO mamandary A. Tam-Ogly men H. Tam-Ogly 9 jylǵa bas bostandyǵynan aıyryldy, toptyń 5 qatysýshysyna 6 jyl bas bostandyǵynan aıyrý, al 17 «kómekshige» bas bostandyǵynan aıyrý jáne shekteý túrindegi jaza taǵaıyndalǵan.

«Sondaı-aq, 7 adam 2 jyl 6 aıdan bastap bas bostandyǵyn shekteýden 3 jyl 6 aıǵa deıin bas bostandyǵynan aıyrý jazasyna kesildi. Olar arnaıy ataqtarynan jáne ómir boıy memlekettik qyzmette qyzmet etý quqyǵynan aıyryldy. Sot protsesi Astana qalasy Polıtsııa departamentiniń jeke quramynyń, sondaı-aq Astana qalasy Arnaıy HQKO qyzmetkerleriniń qatysýymen ótti», - delingen habarlamada.

Úkim zańdy kúshine engen joq.

Sonymen qatar, tergeý barysynda arnaıy HQKO mamany kólik quraldary ıeleriniń qoltańbalaryn qoldan jasaý faktileri avtokólikterdi satyp alý-satý mámileleriniń jazbasha nysandarynda anyqtaldy.

Qylmystyq-protsestik kodekstiń 200-baby tártibinde engizilgen «Azamattarǵa arnalǵan úkimet» Memlekettik korporatsııasy» KEAQ-ǵa usynymnyń nátıjesinde avtomobılderdi tirkeý qaǵıdalaryna avtokólik ıesiniń ETsQ-kiltin mindetti túrde paıdalana otyryp, mámilelerdiń elektrondyq nysanynan jazbasha nysandy alyp tastaý týraly ózgerister engizildi.

Mundaı ózgeris avtokólikterdi satyp alý-satý shartyn jasasý kezinde avto ıeleriniń qoldaryn qoldan jasaý bóliginde jemqorlyq táýekelderin boldyrmaıdy.

Sonymen qatar, Arnaıy HQKO men ІІM-de avtokólikti tirkeý boıynsha jańa aqparattyq júıeler iske qosyldy. Ótinimderdi resimdeý jáne qaraý kezinde derekterdi túzetý úshin múmkindikter alynyp tastaldy. Endi tek ákimshilik polıtsııa komıteti ózgerister engize alady.

Ótinimderdi tirkeý rásimi jeńildetildi. Endi bul úshin tek JSN engizý qajet, al qalǵan derekter basqa aqparattyq júıelerden avtomatty túrde toltyrylady. Bul rette júıeniń ózi ekinshi deńgeıdegi bankterdiń túbirtekterin, mindetti tólemderin jáne aıyppuldaryn tóleýdi tekseredi.

2022 jyly 9,4 myń avtokólikti tirkegeni úshin 10,6 mlrd teńge jınaldy, 2023 jyly zańdastyrýdy eskere otyryp, 10,2 myń avtokólikti tirkegen kezde 91,3 mlrd teńge tústi. Atalǵan táýekelderdi joıý nátıjesinde ótken jyly bıýdjetke túsken túsim 9 esege ulǵaıdy.

Jalpy, jańa aqparattyq júıelerdi engizý osy saladaǵy barlyq qyzmetke oń áserin tıgizdi.