Shetelden ákelgen kólikti «tsırflyq notarıat» arqyly rásimdeýge bola ma

ASTANA. QazAqparat – Shetelden ákelgen kólikti «tsırflyq notarıat» arqyly rásimdeýge bola ma? Ádilet vıtse-mınıstri Bekbolat Moldabekovke ortalyq kommýnıkatsııalar qyzmetinde ótken brıfıngide osyndaı suraq qoıyldy, dep habarlaıdy QazAqparat tilshisi.

Jýrnalıster vıtse-mınıstrden shetelden ákelingen kólikterdi tsıfrlyq notarıat arqyly rásimdeý jolǵa qashan qoıylatynyn surady.

«Eger kólik Qazaqstan aýmaǵynda bolsa, eshqandaı problema joq. Elimizdiń basqa bir qalasynda otyryp tsıfrlyq notarıat arqyly kólikke senimhat rásimdeı alasyz. Al basqa memlekette bolsa, sol memlekette rásimdeletin bolady. Al Qazaqstan ishinde onlaın qońyraý shalý arqyly senimhat rásimdeýge eshqandaı kedergi joq. Ol senimhatty basyp shyǵarýdyń da qajeti joq. eGov mobile qosymshasy arqyly kórsetip-aq júre beresizder», - dedi mınıstrdiń orynbasary.

Sondaı-aq, ol «tsıfrlyq notarıat» jobasynyń aıasynda senimhattan basqa qandaı notarıaldyq qyzmetter elektrondy alańǵa kóshiriletinin aıtty.

«Erli-zaıyptylardyń biriniń kelisim ruqsaty qajet bolatyn rásimder bar. Mysaly, kólik nemese úı satyp alsańyz, jubaıyńyzdyń notarıýspen rastalǵan kelisimi kerek. Elektrondy senimhattan keıin osy qyzmetti onlaın rejımge shyǵaramyz. Osylaı ketek beredi», - dedi Bekbolat Moldabekov.