Sheteldegi qazaqtardyń statýsyn anyqtaý týraly zań jobasy pysyqtalyp jatyr
«Shet elderdegi qazaqtardy qorǵaý týraly zań qabyldaý josparlanyp otyr ma?», - degen suraq qoıyldy spıkerge Ortalyq kommýnıkatsııalar qyzmetindegi baspasóz máslıhatynda.
«Shet elderdegi qazaqtar basqa eldiń azamaty bolǵandyqtan, olardyń múddelerin qorǵaý durys emes shyǵar. Olarmen mádenı-gýmanıtarlyq, bilim baılanysyn ornatý – basqa másele. Degenmen, qazir sheteldegi qazaqtardyń statýsyn anyqtaý týraly zań jobasy pysyqtalýda. Oǵan óz usynystarymyzdy tıisti memlekettik mekemelerge bergen edik», - dep jaýap berdi M. Sarbasov.
Onyń aıtýynsha, «Otandastar» qory janynan qurylǵan koǵamdyq komıssııada bul máseleniń barlyǵy talqylanǵan.
«Sol komıssııa negizinde 400-ge jýyq usynysymyz tıisti mınıstrlikterge berildi. Qazir ol endi adam taǵdyryna baılanysty bolǵandyqtan, memlekettik jumysqa baılanysty bolǵandyqtan, zań qabyldaý máselesi óte kúrdeli ǵoı. Ol Parlamentte qaralýy kerek, otyrystar, tyńdaýlar ótýi kerek. Bul jumystyń bári atqarylyp jatyr. Ony ázirshe aıta almaımyn», - dedi Maǵaýııa Sarbasov.