Sheteldegi qazaq tulǵalarynyń zırattary erekshe kútimge alynady
Bul týraly QR Mádenıet jáne sport mınıstrligi Mádenıet jáne óner isteri departamentiniń dırektory Ábil Jolamanov málimdedi.
«Shetelderde de máńgilik mekenin tapqan qazaq tulǵalary az emes. Aldaǵy josparlarymyzdyń biri - qazaq jerinen tys jerlengen tulǵalardyń zırattarynyń aýqymyn anyqtaý. Qazir arnaıy tizim jasaqtaldy. Zırattardy erekshe kútip, baqylaýǵa alýdy bizdiń mınıstrliktiń jáne Qazaqstandaǵy basty mádenıet, ǵylym organdarynyń paryzy dep sanaımyz», - dedi Á. Jolamanov elordada ótken «Rýhanı qazyna» festıvaliniń ashylýynda.
Osyǵan baılanysty QR Bilim jáne ǵylym mınıstrligimen birlesip, arnaıy jobalar daıyndalýda.
«Qazirgi ýaqytta ekspedıtsııalardyń quramy anyqtaldy. Ǵalymdar zırattarmen shektelip qalmaı, sonda ómir súretin qazaq dıasporalarynyń mýzykasy men folkloryn jınaqtaıdy. Sonymen birge, qazaqstandyq ǵalymdar arhıvtermen de jumys istep, tabylǵan materıaldardy qazaq ǵylymynyń aınalymyna qosýdy josparlap otyr. Ekspedıtsııa bıyl Reseı men Ózbekstannan bastalady. Ásirese, kórshiles Reseı elinde, Ózbekstan, Túrikmen jerinde, Qytaıda bar. Mustafa Shoqaı atamyz alystaǵy Germanııada jatyr. Árıne, qazaq tarıhyna baılanysty barlyq eldi qamtyǵymyz keledi», - dedi Á. Jolamanov.