Sheteldegi qandastardyń shyǵarmalaryna baıqaý jarııalandy
«Uly dala kitaby» atty halyqaralyq baıqaýdy «Otandastar qory» KeAQ, Qazaqstan Jazýshylar odaǵy jáne «Folıant» baspasy birlesip qolǵa alyp otyr. Konkýrsqa sheteldegi qazaq dıasporasyna jatatyn qalamgerler, zertteýshi ǵalymdar, jazýshylar qatysa alady.
Baıqaýǵa álemniń ár qıyryna qonys aýdarǵan qandastardyń kóshi-qon tarıhy jáne alys jaqyn shet elderdi meken etken etnıkalyq qazaqtardyń san qıly ómir joly, salt-dástúri, ádebıeti men mádenıeti, óneri jaıynda jazylǵan pýblıtsıstıkalyq shyǵarmalar, estelik-esseler, kórkem ádebı týyndylar, óleń-jyrlar men ǵylymı-zertteýler usynylýy kerek.
Konkýrs qorytyndysy boıynsha úzdik dep tanylǵan týyndylar jınaq bolyp jyrqqa shyǵarylady.
Baıqaýdyń basty sharttary:
1. Qazaqstanda kitap túrinde jaryq kórmegen bolýy qajet
2. Birlesken avtorlardyń shyǵarmalary
3. Qurastyrylǵan jınaqtar
4. Qundylyǵyna qaraı basqa tilderde jazylǵan shyǵarmalar da bolýy múmkin.
Basty talaptar:
- Shyǵarma qazaq tilinde (kırıllıtsa qarpimen) joldanýy tıis.
- Shetelde tóte jazýmen, latyn árpimen jaryq kórgen shyǵarmalar, qazylar alqasynyń sheshimimen úzdik dep tabylsa, jeke jınaq retinde basylady.
- Baspadan shyǵatyn ár kitap sany – 500 dana.
- Avtorlyq dana – 100.
- Konkýrsqa avtordyń aty-tegin, shyqqan tegi týraly qysqasha málimet pen baılanys telefonyn jazyp, jpeg formatta fotosyn joldaý qajet.
- Shyǵarmanyń tolyq mátini Times New Roman, kegel 14, PDF formatta bolýy kerek.
«Avtorlar shyǵarmany konkýrsqa jibere otyryp, osy jumysqa avtorlyq quqyqtyń berilýine kepildik beredi. Ulttyq qundylyqtardy ulyqtap, qazaqtyń rýhanı qazynasyn baıytatyn ádebı shyǵarmalar jaryq kórip, óskeleń urpaqqa ónegeli mura bolyp qalýy tıis», - dep jazylǵan baıqaý shartynda.
Konkýrsqa qatysý týraly ótinim men usynylatyn týyndy 2023 jyldyń 1 maýsymyna deıin qabyldanady. Ótinimder poshta arqyly Astana qalasy, D. Qonaev kóshesi 12/1, «Otandastar qory» KeAQ mekenjaıyna, elektrondyq nusqada bolsa, info@oq.gov. elektrondyq poshtasyna jiberilýi kerek.