Sheteldegi qandastar arasynda «Otanǵa barar jol» baıqaýy jarııalandy
«Bıyldan bastap Halyqaralyq bilim berý korporatsııasy «Da Vinci Code», «American Education Challenge», «KAU Challenge», «Connecting Challenge» sııaqty respýblıkalyq olımpıadalardyń nátıjeleri boıynsha mektep pen kolledjderdiń eń daryndy túlekteri úshin 100-den astam ishki grant bólip otyr. Al, olımpıadanyń barlyq qatysýshylaryna arnaıy jeńildikter qarastyrylǵan. Sonymen qatar talapkerlerge UBT qorytyndy upaılary boıynsha barlyq oqý kezeńine 100 paıyzǵa deıin jeńildikter beriledi», - dedi ol Ortalyq kommýnıkatsııalar qyzmetinde ótken brıfıng barysynda.
Munan bólek Margarıta Imandosova Halyqaralyq bilim berý korporatsııasynda eki jáne odan da kóp balasy bar otbasylar, HBK bilim berý uıymdarynda oqıtyn bilimgerler úshin arnaıy jeńildikter, sonymen qatar HBK-da jumys isteıtin qyzmetkerlerdiń balalary úshin, akademııalyq úlgerimi joǵary stýdentter úshin, kóp balaly jáne az qamtylǵan otbasylardan shyqqan bilimgerler úshin arnaıy jeńildikter qarastyrylǵanyn aıtty.
«HBK-da aqyly negizde oqıtyn, biraq ár túrli áleýmettik jáne materıaldyq jaǵdaılarǵa baılanysty oqý aqysyn tóleýge múmkindigi joq daryndy magıstranttar men bilimgerlerge «Scholarships» arnaıy shákirtaqysy qarastyrylǵan. Osy jyly biz «Otanǵa barar jol» baıqaýyn uıymdastyrýǵa sheshim qabyldadyq», - dedi korporatsııa rektory.
Al Halyqaralyq bilim berý korporatsııasynyń birinshi prorektory Qaıyrjan Meńdiǵalıev aıtýynsha, «Otanǵa barar jol» baıqaýy birneshe kezeńnen turady jáne onlaın formatta ótkiziledi. Negizgi kezeńde, baıqaýǵa qatysýshylar Instagram áleýmettik jelisinde «Qazaq halqynyń tarıhyndaǵy kórnekti tulǵalar» jáne «Men nege Halyqaralyq bilim berý korporatsııasyna túskim keledi» taqyryptarynda beıne-esseler usynady. Aqtyq synda qatysýshylar onlaın-suhbattasýdan ótedi. Sonymen qatar ol Qazaqstannyń barlyq joǵary oqý oryndaryn osy bastamaǵa qosylýǵa, shetelde turatyn jáne óz týǵan elimen birigýge umtylǵan otandastarymyzdy - etnıkalyq qazaqtardy qoldaýǵa shaqyrdy. «Bolashaqta, eger elimizdegi 120-dan astam JOO-nyń árqaısysy 1 ishki granttan bólse, tıisinshe 120-dan astap talapker-qandas óz otbasylarymen birge týǵan jerinde óz bolashaǵyn tabýǵa múmkindik alady», - dedi Qaıyrjan Meńdiǵalıev.