Sheteldegi qandas jastar úshin daıyndyq bólimine 1300 oryn bólindi
Sheteldegi jastar arasynda atajurtta bilim alǵysy keletin azamattardyń sany jyl saıyn artyp keledi. 2018-2019 jylǵa 1000 oryn, 2019-2020 jylǵa 1300 oryn bólingen edi. Daıyndyq bólimin sátti aıaqtaǵan qandastarymyz ulttyq birińǵaı testileýge qatysyp, joǵarǵy oqý ornynyń stýdenti atandy. Álemge taraǵan juqpaly indet saldarynan bıyl elge kele almaı, shetelde qalyp qoıǵan daıyndyq bólimi stýdentteriniń máselesin «Otandastar qory» kóterdi.
Bilim jáne ǵylym, Syrtqy ister mınıstrlikteriniń, Ulttyq testileý ortalyǵynyń qoldaýymen, úsh aı júrgizilgen jumys nátıjesinde QR aýmaǵynda koronovırýstyq ınfektsııanyń taralýyna jol bermeý jónindegi vedomstvoaralyq komıssııa otyrysynda sheteldegi qandas jastarǵa UBT «Onlaın» ótkizý sheshimi qabyldandy. Tuńǵysh ret 733 qandasymyz UBT onlaıyn tapsyrdy.
Aıta ketsek, bıylǵy daıyndyq bólimine oqýǵa túsýge arnalǵan qujattardy qabyldaý 2020 jylǵy 5 tamyz ben 5 qyrkúıek aralyǵynda Bilim jáne ǵylym mınıstrliginiń Balon protsesi jáne akademııalyq utqyrlyq ortalyǵynyń veb-portaly https://enic-kazakhstan.kz arqyly onlaın rejımde júrgiziledi.
Sondaı-aq Qazaqstannyń sheteldegi mekemelerine jetkizý úshin Syrtqy ister mınıstrligine hat joldandy. Oqý jylynyń I semestrinde daıyndyq bóliminiń stýdentterine dáris onlaın rejımde júrgiziledi.
Talapkerlerdiń qujattaryn qabyldaý erejesine sáıkes qadamdyq nusqaýlyǵy tómende kórsetilgen.
Qujattardy onlaın rejıminde tapsyrý boıynsha qosymsha suraqtar týyndaǵan jaǵdaıda +7 (7172) 287526 nómirine jáne admission@n-k.kz pochtasy boıynsha habarlasyp bilýge bolady.
1404 (barlyq qazaqstandyq mobıldi operatorlar úshin tegin)
8 800 080 1404 (barlyq qazaqstandyq qalalyq qońyraýlar úshin tegin)
+7 (7172) 981404 (barlyq qazaqstandyq qalalyq qońyraýlar úshin tegin , halyqaralyq qońyraýlar úshin sheteldik operatorlar belgilegen stavkamen)
8 701 000 1404 (WhatsApp, Telegram habarlar men qońyraýlar úshin)
E-mail: komek@oq.gov.kz
Skype: komek@oq.gov.kz