Sheteldegi qazaq balalaryna deıin Qazaqstanǵa kómek jınap jatyr

<p>ASTANA. KAZINFORM — Sheteldegi qandastarymyz Qazaqstandaǵy sý tasqynyna alańdaýshylyq bildirip, kómek qolyn sozyp jatyr. </p>

Aıtalyq, Baıan-Ólgıı aımaǵynyń Ólgıı sumynynyń jalpy bilim beretin № 1 mektebiniń Janar ıAsymhanqyzy jetekshilik etetin 6 B synyp oqýshylary sý tasqynyna ushyraǵan aımaqtardaǵy balalarǵa arnap 200 myń tógróg usyndy (1 tógróg — 0,13 teńge). 

Kómek jınaý aktsııasy jalǵasyp jatyr. 

Sonymen qatar, Tashkent qazaqtary da gýmanıtarlyq kómekke aqsha jınap jatyr. 

«Qazaqstandaǵy baýyrlarymyzǵa járdemge qarajat jınaı bastadyq, qoldan kelgenshe óz kómekterińizdi berińizder» dep jazdy Ózbekstan astanasynda turatyn belsendi qandastar.