Sheteldegi azamattarymyzdyń daýys berýi joǵary belsendilikpen ótip jatyr – SІM

<p>ASTANA. KAZINFORM &ndash; Syrtqy ister mınıstriniń orynbasary Roman Vasılenko Ortalyq referendým komıssııasynda ótken brıfıngide &nbsp;sheteldegi qazaqstandyqtardyń referendýmda belsendi daýys berip jatqanyn aıtty.</p>

«Azamattarymyzdyń konstıtýtsııalyq quqyqtaryn qamtamasyz etý úshin Qazaqstannyń shet elderdegi mekemeleri janynan 59 memlekette 74 ýchaskelik referendým komıssııasy qurylǵan bolatyn. Daýys beretin saılaýshylardyń jalpy sany – 12 307. Saǵat 8.15-tegi jaǵdaı boıynsha, shetelde26 ýchaskelik referendým komıssııasy jumysyn bastady. 48 ýchaskeniń ashylýy kútilýde. Jaqyn arada Orta Shyǵys jáne Eýropa elderinde ornalasqan ýchaskeler óz jumysyn bastaıdy», - dedi ol. 

Foto: Vıktor Fedıýnın / Kazinform

Vıtse-mınıstr sheteldegi referendým ýchaskeleriniń ishinde eń sońǵy bolyp AQSh-tyń San-Frantsısko qalasnydaǵy ýchaske ashylatynyn aıtty.

«Jalpy sheteldegi azamattarymyzdyń daýys berý úrdisi joǵary belsendilikpen ótip jatqanyn baıqap otyrmyz. Ýaqyt aıyrmashylyǵyna baılanysty sońǵy bolyp Astana ýaqytymen saǵat 16.00-de Vashıngton, Nıý-Iork, Ottava qalalaryndaǵy jáne Astana ýaqytymen saǵat 20.00-de San Frantsısko qalasyndaǵy referendým ýchaskeleri jumysyn bastaıdy», - dedi Roman Vasılenko.

Eske salaıyq, búgin qazaqstandyqtar atom elektr stantsııasyn salý máselesi boıynsha jalpyulttyq referendýmda daýys beredi.

Respýblıkalyq referendým bıýlleteninde bir ǵana saýal bolady: Siz Qazaqstanda atom elektr stantsııasyn salýǵa kelisesiz be? Daýys berýshi jaýaptyń eki nusqasynyń birin tańdaıdy: «Iá, kelisemin» nemese, «Joq, kelispeımin».

Ózderiniń konstıtýtsııalyq quqyǵyn Koreıa Respýblıkasyndaǵy Qazaqstan azamattary alǵashqylardyń biri bolyp júzege asyrdy. 

1 shildedegi jaǵdaı boıynsha el kóleminde 12 176 968 adam referendýmda daýys berýge haqyly.