Shetelde júrgen qazaqstandyqtardyń sanaǵyn kim júrgizedi
«Turaqty turǵyndar, elimizdiń azamattary, sheteldikter jáne azamattyǵy joq adamdar sanaqtan ótedi. Sondaı-aq qyzmettik mindetterin oryndaýmen baılanysty shetelge júrgen bizdiń azamattar, «Bolashaq» baǵdarlamasy jáne stýdent almasý baǵdarlamalary boıynsha oqıtyn stýdentter, shetelge demalysqa, emdelýge nemese qonaqqa ketken týrıster de sanaqtan ótedi. Qazaqstan Respýblıkasyna turaqty turýǵa kelgen nemese pana izdegen qonys aýdarýshylar, sondaı-aq 12 aıdan az, ýaqytsha elde júrgen sheteldikter de sanaqqa alynady», - dedi ol.
Onyń aıtýyna qaraǵanda, Ulttyq statıstıka bıýrosy barlyq múddeli memlekettik organdarmen, jergilikti ákimdiktermen halyq sanaǵyn ótkizý kezinde birlesip áreket etý boıynsha birlesken buıryqtar qabyldaǵan. Dál osyndaı birlesken buıryq Syrtqy ister mınıstrligin de bekitilipti.
«Bıýro sheteldegi azamattarymyzdyń sanaǵyn ótkizýdi uıymdastyrý maqsatynda QR SІM-men ózara is-qımyl tártibi týraly birlesken buıryqtardy bekitti», - dedi Ulttyq statıstıka bıýrosynyń basshysy.
Eske salsaq, búgingi Úkimet otyrysynda QR Premer-Mınıstri Asqar Mamın Úkimet otyrysynda ulttyq sanaqqa sylbyr daıyndalyp jatqan óńirlerdi atady.
«Jalpy sanaq ótkiziletin ýaqytta 32 myń adam jumysqa alynady. Almaty jáne Nur-Sultan qalalarynyń, Qostanaı jáne Shyǵys Qazaqstan oblystarynyń ákimdikteri jumysty durys jolǵa qoıǵan. Al Mańǵystaý, Aqtóbe oblystary men Shymkent qalasy ákimdikteriniń jumys qarqyny jetkiliksiz. Óńirlerdiń ákimderi halyq sanaǵyna daıyndyq barysyn jeke baqylaýǵa alsyn», - dedi Asqar Mamın.