Shetelde júrgen qazaqstandyqtar úshin Telegram-bot iske qosyldy
Negizgi maqsaty – shet elderdegi elshilikterimiz ben konsýldyq mekemelerimizdiń memlekettik qyzmetterdi kórsetý boıynsha aqparatty tıimdi formatta usyný jáne túsindirý.
Mysaly, eger azamatymyz Qazaqstan Respýblıkasynyń shet eldegi ókildigi arqyly balanyń týý týraly kýáligin qalaı alýdy, nekeni tirkeýdi nemese pasport resimdeýdiń tártibin bilmese, onda osy bot arqyly memlekettik qyzmetti alý úshin qajetti qujattardyń tizbesi men merzimderi jóninde tıisti aqparatty alýyna bolady.
Sondaı-aq, bot qyzmetterdi alý úshin Qazaqstannyń shet elderdegi ókildikterine barýǵa aldyn ala tapsyrys berýge múmkindik beredi. Ol úshin eń jaqyn konsýldyq mekeme ornalasqan memleket pen qalany tańdap, baılanys málimetterin jazyp alyp, kúni men ýaqytyn tańdaý qajet. Sodan keıin, atalǵan mekemeniń konsýldyq qyzmetkeri azamatymyzǵa habarlama arqyly bron nemese ótinimin rastaıdy nemese basqa bos ýaqytty usynady.
Bot konsýldardyń azamattarmen ózara is-qımyl jasaý sapasyn jaqsartýǵa jáne kórsetiletin qyzmetter boıynsha olardyń habardar bolýyna múmkindik beredi.
Telegram messendjerindegi «Konsýl-Kómek» boty @konsul_kaz_bot siltemesi boıynsha qoljetimdi.