Shetelde júrgen 7 myńnan astam Qazaqstan azamaty elge jetkizildi
17:37, 30 Naýryz 2020
NUR-SULTAN. QazAqparat - Koronavırýs ınfektsııasymen kúres kezeńinde Qazaqstannyń 7 myńnan astam azamaty elge jetkizildi, dep habarlaıdy QazAqparat.
Bul týraly QR Aqparat jáne qoǵamdyq damý mınıstri Dáýren Abaev málimdedi.
«Memlekettiń óz azamattaryna degen qamqorlyǵy osyndaı qıyn kezde kórinedi. Prezıdenttiń tapsyrmasymen, 18 naýryzdan bastap, sheteldegi 7702 Qazaqstan azamatyn memleket óz kúshimen elge ákeldi. Memleket taǵy 752 azamatty ákeledi. Bul Memleket basshysynyń erekshe baqylaýyndaǵy másele», - dedi mınıstr «Habar 24» telearnasyndaǵy onlaın brıfıngte.
Buǵan deıin D. Abaev koronavırýs indetimen kúresip jatqan dárigerlerdiń aıyna 1 mln teńgege deıin ústemeaqy alatynyn aıtyp berdi.