Shetelde jasalatyn onkologııalyq otanyń bárin qazaqstandyq dárigerler de isteı alady – onkohırýrg

<p>ALMATY. KAZINFORM &ndash; Almaty onkologııalyq ortalyǵynyń hırýrgııalyq qyzmetiniń basshysy Nurlan Baltaev keıbir qazaqstandyqtardyń nelikten óz elinde emes, shetelde onkologııalyq terapııa men hırýrgııalyq emdelgendi qalaıtynyn aıtty.</p>

«Bizdiń keıbir otandastarymyz medıtsınalyq týrızmmen alys-jaqyn shetelge barady. Degenmen ol jaqta kórsetiletin kómekti bizdiń elde de tegin alýǵa bolady. Sheteldik klınıkalarda mamandar qoldanylǵan emdeý ádisi úshin eshqandaı jaýapkershilik kótermeıdi. Biz bárimiz bir hattama boıynsha jumys isteımiz. Sáıkesinshe, qazaqstandyq ádister osy hattamalarǵa beıimdelgen. Munyń bári naýqastyń jaǵdaıyna baılanysty. Eshqandaı aıyrmashylyq joq. Sheteldik emhanalarda qyzmet kórsetý jaqsyraq. ıAǵnı, qomaqty aqshaǵa jeke dáriger men jeke medbıke beredi. Barlyq aıyrmashylyq osy», - dedi ol.

Aıtýynsha, álemde bar ádistiń bárin Qazaqstan da qoldanady.

«Biz uzaq ýaqyt boıy barlyq organǵa shaǵyn ınvazıvti hırýrgııalyq ádisterdi qoldanyp kelemiz. Biz qashan da shetelden kelgen áriptesterimizben tájirıbe almasamyz, olar bizdiń deńgeıimizdi, ásirese laparoskopııalyq hırýrgııany joǵary baǵalaıdy. Bes jyl buryn shaǵyn ınvazıvti hırýrgııa, ıaǵnı kesýsiz jasalatyn ota, bizde 10 paıyz bolǵan. Qazir bizde jasalatyn barlyq otanyń 50 paıyzdan astamy shaǵyn ınvazıvti ádispen jasalady. Onyń ústine bul otanyń barlyǵyna memleket kepildik beredi», – deıdi maman.

Spıkerdiń sózinshe, onkologııa tek hırýrgııalyq jolmen emdeletin aýrý emes, onkologııalyq aýrýdy emdeý qıyn ári qymbat. Otadan basqa, naýqasqa hımıoterapııa jáne sáýlelik terapııa qajet bolýy múmkin.

«Munyń barlyǵy, árıne, shetelde qyrýar qarjyny qajet etedi. Ońtústik Koreıa, Túrkııa ne Germanııada qoldanylatyn barlyq zamanaýı tehnologııa bizdiń turǵyndarǵa tegin beriledi. Tek 2023 jyldyń ózinde Almaty onkologııalyq ortalyǵynda 2681 operatsııa jasaldy. Otalardyń 55%-da shaǵyn ınvazıvti ádis qoldanyldy»,-deıdi ol.

Onkologııalyq ortalyqta hımıoterapııanyń 50-ge jýyq túri, 40-tan astam maqsatty jáne gormondyq preparat qoldanylyp, sonyń arqasynda 18 790 naýqas hımıoterapııalyq em alǵan.

«Qaterli isikke shaldyqqan 1064 naýqasqa 19 myńǵa jýyq sáýlelik terapııa seansy jasaldy. 10 myńǵa jýyq adam ambýlatorlyq hımıoterapııa kabınetinde em aldy», - deıdi onkolog.