Shetelde týroperator problemasyna tap bolǵandar ne isteý kerek

<p>ASTANA. KAZINFORM &ndash; Shetelden elge kele almaı jatqan Qazaqstan azamattary birinshi kezekte elshilikterge habarlasýy kerek. Bul týraly QR Syrtqy ister mınıstriniń orynbasary Nazıra Nurbaeva aıtty.</p>

Búgin Senattyń jalpy otyrysynan keıin tilshiler TEZ.KZ týroperatory qyzmetiniń toqtaýyna qatysty shetelde qalyp qoıǵan 300 týrısti qaıtarý is-qımylyna qatysty suraq qoıdy.

Óz kezeginde N.Nurbaeva sheteldegi Qazaqstannyń elshilikteri el azamattaryna kómektesetinin aıtty.

«Birinshiden, el azamattary elshiliktermen baılanysqa shyǵýy kerek. Osydan keıin elshilik qyzmetkerleri basqa da memlekettik organdarmen birlese problemanyń sheshimin jasaýǵa áreket etedi», - dedi Syrtqy ister mınıstriniń orynbasary.

Budan buryn habarlanǵandaı, Qazaqstan Respýblıkasy azamattarynyń shyǵý týrızmi salasyndaǵy quqyqtaryna kepildik berý júıesiniń ákimshisi «Týrıstik Qamqor» KQ aqparaty boıynsha TEZ.KZ týroperatory qyzmetin toqtatqanyn habarlady. 

Atalǵan týroperator Qazaqstan azamattarynyń týrızmi salasyndaǵy quqyqtaryna kepildik berý júıesiniń qatysýshysy canalady. Búginde shetelde bul týroperatordan 300-den astam qazaqstandyq týrıst bar.