Shetelde turatyn qazaq balalary bıyl da Qazaqstanǵa jazǵy lagerge kele alady
«Otandastar qorynyń» uıymdastyrýymen ótetin jazǵy lager jobasy alǵash ret 2019 jyly Astana qalasyndaǵy Nazarbaev zııatkerlik mektebi bazasynda ótken edi.
Oǵan 7 memleketten 150 etnıkalyq qazaq balasy qatysty.
2020-2021 jyldary COVID-19 pandemııasyna baılanysty joba ótkizilmegenimen, 2022 jyly Býrabaı tórindegi «IQanat» mektep bazasynda uıymdastyrylyp, Frantsııa, Túrkııa, Iran, Qyrǵyzstan, Ózbekstan, Qytaı, Mońǵolııa, Reseı syndy 8 memleketten jalpy sany 84 bala qatysty.
Bul joba bıyl da óz jalǵasyn tappaq.
2023 jyly 1 shildeden 14 shildege jalǵasqan qazaqı jazǵy lager baǵdarlamasynda balalar atqa miný, sadaq atý, asyq oınaý, kıiz úı tigý, ulttyq aspapta oınaý, ıntensıvti formatta qazaq tilin úırený sııaqty ulttyq qundylyqtarmen qatar mobılografııa sııaqty zamanaýı sabaqtardan bilimin jetildiredi.
Sonymen qatar, úzdik ýnıversıtetterdiń bilim kórmesinde Qazaqstanda oqý múmkindikterimen tanysyp, belgili tulǵalardyń master klasy men tanymal juldyzdardyń qatysýymen ótetin kontsertti tamashalaı alady.
«Jazǵy lager» jobasyna qalaı qatysýǵa bolady? Ol úshin «Otandastar qory» 12-17 jasar sheteldegi etnıkalyq qazaq balalary arasynda ótkizetin onlaın baıqaýǵa qatysyp, tegin joldama utyp alýǵa múmkindik bar.