Shetelde turatyn qazaq balalary arasynda olımpıada ótti
Túrkistanda qazaq dıasporasynyń balalaryna arnalǵan «Qazaqstan – ata jurtym, qasıetim – ana tilim» atty qazaq tili men ádebıeti páni boıynsha HІH halyqaralyq olımpıada óz máresine jetti.
26 maýsym men 1 shilde aralyǵynda ótken jarysqa Iran, Qyrǵyzstan, Ózbekstan, Mońǵolııa jáne Reseı Federatsııasynda turatyn 67 oqýshy qatysty.
Olımpıadanyń birinshi kúni bilimpazdar «Abaı – izgi qasıetterdiń joqtaýshysy», «Uly tulǵa – ult ustazy» (Ahmet Baıtursynulynyń 150 jyldyǵyna oraı), «Álıhan Bókeıhan – ult múddesiniń janashyry», «Meniń tańdaǵan mamandyǵym», «Meniń Qazaqstanym» sııaqty taqyryptarda esse jazdy.
Ekinshi kúni oqýshylar qazaq tili men ádebıetinen bilimin, sheshendik óneri men halyq aýyz ádebıeti shyǵarmalaryn oryndaý sheberligin kórsetti.
Sonymen qatar ádilqazy alqasynyń aldynda zertteý jumysyn qorǵady.
Mádenı baǵdarlamanyń sheńberinde qatysýshylar Arystan bab, Qoja Ahmet ıAssaýı kesenesine taǵzym etip, Otyrar murajaıy men «Uly Dala Eli» ortalyǵyn tamashalady.
Sonymen qatar oqýshylar Q.A. ıAssaýı atyndaǵy Halyqaralyq qazaq-túrik ýnıversıtetiniń ǵalymdarymen kezdesip, mazmundy áńgime qozǵady.
Eske sala keteıik, olımpıada shettegi qazaq daryndy balalaryn anyqtaý jáne olardyń tilge, ádebıetke, tarıhqa yntalandyrý jáne qazaq halqynyń mádenıetine degen qyzyǵýshylyqty arttyrý maqsatynda uıymdastyryldy.
Barlyq jeńimpazdar men júldegerler QR Oqý-aǵartý mınıstrliginiń I, II jáne III dárejeli dıplomdarymen, sondaı-aq altyn, kúmis jáne qola medaldarmen marapattaldy.
Al úzdik dep tanylǵandar «Otandastar qorynyń» Býrabaı ulttyq kýrorttyq-tabıǵı aýmaǵynda IQanat mektebi bazasynda ótetin jazǵy demalysqa 3 tegin joldama jeńip aldy.