Shetelde oqıtyn 11 myńnan astam qazaqstandyq elimizdiń JOO aýysty

NUR-SULTAN. QazAqparat - 2021 jyly shetelde bilim alǵan 11 myńnan astam qazaqstandyq elimizdiń joǵary oqý oryndaryna aýysty. Stýdentterdiń kópshiligi Reseı ýnıversıtetterinen aýysty. Sondaı-aq buryn AQSh, Qytaı, Frantsııa, Majarstan, Chehııa, Polsha, Túrkııa ýnıversıtetterinde oqyǵan, biraq Qazaqstanda oqýyn jalǵastyrýǵa sheshim qabyldaǵan stýdentter de bar. Bul týraly QazAqparat BǴM silteme jasap habarlaıdy.

«Qysqy jáne jazǵy sessııanyń qorytyndysy boıynsha buryn shetelde bilim alǵan 11 myńnan astam stýdent qazaqstandyq joǵary oqý oryndaryna aýysýǵa nıet bildirdi. Olar jeńildetilgen aýysý tártibi boıynsha qabyldanyp, qazir otandyq joǵary oqý oryndarynda bilim alyp jatyr. Máselen, olar Ál-Farabı atyndaǵy Qazaq ulttyq ýnıversıteti, Qazaq ulttyq qyzdar pedagogıkalyq ýnıversıteti, Narhoz ýnıversıteti, Q. Sátpaev atyndaǵy QazUTZÝ jáne basqa da joǵary oqý oryndaryna qabyldandy. Ótken jyly sheteldik joǵary oqý oryndarynan 15 myńǵa jýyq stýdent bizdiń ýnıversıtetimizge aýysty», – dedi QR BǴM Joǵary jáne joǵary oqý ornynan keıingi bilim departamentiniń dırektory Ádilet Toıbaev.

Aıta keteıik, stýdentter sanynyń artýyna baılanysty jańa jataqhanalardy salý jáne bar jataqhanalardy rekonstrýktsııalaý qarqynyn jedeldetý úshin tetikter ázirlendi. Osy jyldyń sońyna deıin elimizde 37 jańa stýdenttik jataqhana paıdalanýǵa beriledi.