Shetelde qalǵan 444 Qazaqstan azamaty elge oraldy

ALMATY. QazAqparat - Shetelde qalǵan 444 qazaqstandyq eline oraldy. SCAT áýe kompanııasy Mysyr, Chehııa, Grýzııa, Túrkııa, Úndistan, Polsha jáne Reseı Federatsııasynan jolaýshylardy jetkizdi, dep habarlaıdy QazAqparat tilshisi áýe kompanııasynyń baspasóz qyzmetine silteme jasap.

«1 mamyrda «Máskeý - Almaty» jáne «Mákeý – Nur-Sultan» baǵytyndaǵy reıster keldi. 3 mamyrda «Sankt-Peterbor – Aqtaý – Shymkent» baǵytyndaǵy reıster oryndaldy. Barlyǵy 444 qazaqstandyq Otanyna oraldy. Olardyń kópshiligi - Reseıde bilim alyp jatqan stýdentter», - dedi atalǵan áýe kompanııasynyń baspasóz qyzmetinen.

Bul reıster Reseıdegi Qazaqstan elshiliginiń arqasynda júrgizildi.

«SCAT QR DSM men DDU usynystaryn qatań ustanady. Ár reıs saıyn ekıpaj salony men jolaýshylar salony zalalsyzdandyrylady. Bagaj, oryndyqtar, jınalmaly ústelder, qaýipsizdik beldikteri, ájethana bólmesi arnaıy dezınfektsııalaýdan ótedi», - dedi áýe kompanııasynan.