Shetelde kadr daıarlaý jónindegi respýblıkalyq komıssııanyń otyrysy ótti

<p>Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen Shetelde kadrlar daıarlaý jónindegi respýblıkalyq komıssııanyń kezekti otyrysy ótti, dep habarlaıdy Aqordanyń baspasóz qyzmeti.&nbsp;</p>

Respýblıkalyq komıssııanyń sheshimimen 167 qazaqstandyqqa «Bolashaq» halyqaralyq stıpendııasy taǵaıyndaldy. Onyń 131-i magıstratýrada, 4-ýi doktorantýrada oqý jáne 32-si taǵylymdamadan ótý úshin álemniń jetekshi joǵary oqý oryndaryna jáne óndiris ortalyqtaryna jiberiledi.

Stıpendıattardyń 65 paıyzy ınjenerlik-tehnıkalyq mamandyqtar men jaratylystaný ǵylymdary boıynsha, al qalǵan 35 paıyzy qoǵamdyq-gýmanıtarlyq baǵyt boıynsha bilim alady.

Sonymen birge Komıssııa otyrysynda sheteldik jetekshi ǵylymı ortalyqtarda taǵylymdamadan ótý úshin stıpendııa taǵaıyndaý máselesi de qarastyryldy. Komıssııa sheshimine sáıkes 481 úmitkerge stıpendııa taǵaıyndaldy.

Otyrys qorytyndysy boıynsha Memlekettik keńesshi «Bolashaq» halyqaralyq stıpendııasyn jáne ǵylymı taǵylymdamalar baǵdarlamasyn odan ári júzege asyrý jóninde naqty tapsyrmalar berdi.