Shetelde bolǵan 6 jasar aqtóbelik baladan qyzylsha anyqtaldy
Aqtóbede epıdemıologııalyq jaǵdaı qalypty. Degenmen ushaqpen Túrkııadan kelgen baladan qyzylsha anyqtalǵan.
«Naýqas 15-aqpan kúni Túrkııadan ushyp keldi. 2017 jyly týǵan bala qyzylsha aýrýyna shaldyqqan. Ol buǵan deıin qyzylshaǵa qarsy vaktsına saldyrmaǵan. Qazir janynda bolǵan adamdardyń bári anyqtalyp, tirkeldi. Olar oqshaýlandy. Al naýqas em qabyldap jatyr. Negizi qyzylsha – juqpaly aýrý. Jan-jaǵyndaǵy adam vaktsına qabyldamaǵan bolsa, kóbine qyzylsha juqtyryp alady. Balalarǵa óte qaýipti. QR Ulttyq ekpe kúntizbesine sáıkes,1 jasqa tolǵan jáne 6 jastaǵy bala qyzylshaǵa qarsy vaktsına saldyrýy tıis», - dedi Aqtóbe oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.
Onyń aıtýynsha, qyzylsha koronavırýs ınfektsııasyna qaraǵanda jyldam taraıdy. Aýa arqyly juǵady. Úsh táýlikten soń adam denesine bórtpe shyǵyp, qyzýy kóteriledi.
«Aqtóbe oblysynda jedel respıratorly vırýsty ınfektsııaǵa shaldyqqan 48 adam statsıonarda em qabyldap jatyr. Al oblystyq klınıkalyq juqpaly aýrýlar aýrýhanasynda 45 naýqas em alyp jatyr. Onyń 37-i bala. Arasynda jasqa tolmaǵan balalar da bar. Aqpan aıynda úsh naýqas tumaý juqtyryp, emdeldi», - dedi oblystyq densaýlyq saqtaý basqarmasynyń bas mamany Ásııa Turjanova.