Shetelde alǵan vaktsına Qazaqstanda jumys isteýge jaramdy ma

NUR-SULTAN. QazAqparat – Ózge elde vaktsınanyń basqa túrin alǵandar Qazaqstan aýmaǵynda, ásirese qyzmet kórsetý salasynda kedergisiz jumys isteı ala ma? Ortalyq kommýnıkatsııalar qyzmetinde Densaýlyq saqtaý mınıstrliginiń ókilderine osyndaı saýal qoıyldy, dep habarlaıdy QazAqparat tilshisi.

Bul saýalǵa Sanıtarlyq-epıdemıologııalyq baqylaý komıtetiniń tóraǵasy Aıjan Esmaǵambetova jaýap berdi.

«Qazaqstan azamaty da, bizdiń eldiń aýmaǵynda jumys isteıtin sheteldik te shetelde vaktsına alǵan bolsa, ekpe alǵanyn rastaıtyn qujat kórsetse, vaktsınatsııadan ótken adam bolyp esepteledi. ıAǵnı, oǵan qaıtalap vaktsına alýdyń qajeti joq. Biraq mindetti túrde vaktsınatsııa kýrsynan tolyq ótkenin rastaıtyn qujaty bolý kerek», - dedi komıtet basshysy.

Osy sharada Aıjan Esmaǵambetova vaktsınatsııadan keıin vırýs juqtyrǵan naýqastardyń qandaı ekpe túrin alǵanyn túsindirgen bolatyn.

«Búgingi tańda vaktsına alǵannan keıin koonavırýspen aýyrýdyń 4 765 jaǵdaıy tirkelip otyr. Birinshi kezeńnen keıin 2 384 jaǵdaı, ekinshi kezeńnen keıin 2381 jaǵdaı bolǵan. Bul jalpy vaktsına alǵandardyń 0,09 paıyzy ǵana. «Spýtnık V» vaktsınasynyń birinshi komponentimen 2048, ekinshi komponentimen 2 101 jaǵdaı (0,09 paıyz), Hayat-Vax – 246 jáne 221 (0,09 paıyz), CoronaVac - 45 jáne 11, QazVac – 41 jáne 45 jaǵdaı tirkeldi», - dedi ol ortalyq kommýnıkatsılar qyzmetinde ótken brıfıngide.