Shetel valıýtasyndaǵy depozıtterdiń mólsherlemesi 1,5%-ke deıin tómendetildi

ASTANA. QazAqparat - Qazaqstannyń depozıtterge kepildik berý qorynyń (KDKBQ) Dırektorlar keńesi jeke tulǵalardyń depozıtteri boıynsha usynylatyn eń joǵary deńgeıdegi syıaqy mólsherlemesin bekitti, dep habarlaıdy QazAqparat Qordyń baspasóz qyzmetine silteme jasap.

Jańadan tirkelgen jeke tulǵalardyń teńge baǵamyndaǵy depozıtteri boıynsha syıaqy mólsheri buryńǵy deńgeıde, ıaǵnı 14% kóleminde saqtalady. Sondaı-aq, QDKBQ Dırektorlar keńesi 2017 jyldyń 1 shildesinen bastap shetel valıýtasyndaǵy depozıtterdiń usynylǵan eń joǵary deńgeıdegi mólsherlemesin 1,5% deıin tómendetý týraly sheshim qabyldady.

2017 jyldyń 1 qańtarynan bastap QDKBQ usynǵan eń joǵary deńgeıdegi mólsherlemesi shartty emes nátıjeli mólsherlemelerge qatysty ekenin eske salamyz. QDKBQ banktik salymdardy, aǵymdaǵy shottaǵy qaldyq aqshaǵa jáne tólem kartalaryna syıaqy mólsheriniń kólemine qaramastan kepildik beretindigin bank salymshylarynyń nazaryn aýdartady.

Qazaqstannyń depozıtterge kepildik berý qory - ekinshi deńgeıdegi bankter salymshylarynyń quqyqtary men zańdy múddelerin qorǵaý úshin 1999 jyly qurylǵan Qazaqstan Respýblıkasynyń Ulttyq Bankiniń uıymy.

QDKBQ jeke tulǵalardyń jáne jeke kásipkerlerdiń barlyq depozıt túrlerine kepildik bolady, kepildik berilgen ótemniń eń joǵarǵy somasy quraıdy:

Ulttyq valıýtadaǵy salymdary jáne bank shottary boıynsha - 10 mıllıon teńgege deıin,

Shetel valıýtasyndaǵy salymdar jáne bank shottary boıynsha - 5 mıllıon teńgege deıin.

Salymshylar qyzmetkerlerden aqyl-keńesti 8 8000 80 10 20 telefony boıynsha alýyna bolady. Qosymsha aqparat QDKBQ www.kdif.kz resmı saıtynda qol jetimdi.