Shetel krımınaldyq avtorıteti Qazaqstanda ustaldy

<p>ASTANA. KAZINFORM — Qazaqstannyń quqyq qorǵaý organdary sheteldik krımınalıtettiń yqpal etý áreketin toqtatty, dep habarlaıdy <a href="https://polisia.kz/quqyq-qorghau-organdary-sheteldik-kriminalitetting-yqpal-etu-areketterin-toqtatty/" target="_blank" rel="noopener">Polisia.kz.</a></p>

Іri tranzıttik marshrýttar jáne memlekettiń turaqty damýy sheteldik ınvestorlardy ǵana emes, sheteldik krımınalıtet ókilderin de qyzyqtyrady. 

Іshki ister mınıstrligi UQK jáne Bas prokýratýramen birlesip, qylmystyq ortada, onyń ishinde Qazaqstannan tys jerlerde bolyp jatqan protsesterdi turaqty baqylaý jáne qadaǵalaý nátıjesinde sheteldik krımınalıtettiń kez kelgen áreketine ýaqtyly jáne jedel tosqaýyl qoıady. 

Ótken jyly Qazaqstan aýmaǵyna jaqyn shet elderden kirmek bolǵan qylmys áleminiń tórt ókiliniń áreketi toqtatyldy.

— Bıyl 19 mamyrda Batys Qazaqstan oblysy polıtsııa departamenti uıymdasqan qylmysqa qarsy kúres basqarmasy jáne UQKD jedel málimeti boıynsha qylmystyq ortada «vor v zakone» ataǵy bar 1963 jyly týǵan irgeles memleket azamatynyń el aýmaǵyna kirý faktisin anyqtady. Ol Oral qalasynyń polıtsııasyna jetkizildi. Qajetti tekserý sharalaryn ótkizgennen keıin er adam Qazaqstan aýmaǵynan Reseıge baǵyt alyp, kórshi memlekettiń quqyq qorǵaý organdary ony ustady. Qolda bar málimetke sáıkes Reseı sot organdary oǵan qatysty Reseı Federatsııasy Qylmystyq kodeksiniń 210.1-baby «Qylmystyq ıerarhııada joǵary dárejeni ıelený» boıynsha is qozǵaǵan, — dedi ІІM uıymdasqan qylmysqa qarsy kúres departamentiniń ókili Qýandyq Alpys.