Shetel azamaty 77 keli geroın men gashıshti qarbyzǵa jasyryp ótpek bolǵan
«1 maýsymnan bastap respýblıka aýmaǵynda «Qarasora» jedel-aldyn alý is-sharasy ótkizilip jatyr. Ol esirtkini ósirýge, daıyndaýǵa jáne ótkizýge qarsy baǵyttalǵan. Eki aıda polıtseıler 678 esirtki qylmysyn anyqtady. Onyń ishinde 299 satý faktisi, asa iri mólsherde esirtkini saqtaýdyń 126 faktisi, esirtkini tutyný úshin prıtondy ustaýdyń 2 faktisi bar. Zańsyz aınalymnan 8,5 tonnadan astam esirtki, onyń ishinde 67 keli geroın, 1 tonna 175 keli marıhýana, 94 keli gashısh jáne 23,7 keli sıntetıka tárkilendi», - dedi ol aptalyq brıfıng barysynda.
Sh.Turlybektiń atap ótýinshe, 25 qatysýshydan turatyn úsh uıymdasqan qylmystyq toptyń qyzmeti joıyldy. Olardyń ekeýi – shetel azamattary. Kúdiktilerden sıntetıkalyq esirtki óndirýge arnalǵan 72 tonnaǵa jýyq túrli prekýrsor, zerthanalyq jabdyqtar salynǵan 7 qorap, 40 keli marıhýana jáne 4 keli gashısh tárkilendi. Qyzylorda, Jambyl, Túrkistan oblystarynda jáne Shymkent qalasynda arnaıy operatsııa barysynda quramynda esirtki bar ósimdikterdi ósirýdiń 183 faktisi anyqtaldy.
«Qarasora plantatsııalaryn anyqtaý úshin Ulttyq ulannyń tikushaqtary men Qorǵanys mınıstrliginiń drondary qoldanylyp jatyr. Olardyń kómegimen 4 esirtki plantatsııasy anyqtaldy. Onda qylmyskerler quramynda tetragıdrokannabınoldyń mólsheri joǵary marıhýana jasaıtyn 8 myńǵa jýyq «úndi qarasorasy» butasyn ósirgen», - dedi Shuǵyla Turlybek.
ІІM ókili eldiń soltústik óńiri de nazardan tys qalmaǵanyn aıtady.
«Pavlodar oblysynyń polıtseıleri 67 keli geroın men 10 keli gashısh kontrabandasynyń jolyn kesti. Esirtkini shetel azamaty qarbyzǵa jasyryp ótpek bolǵan. 4 esirtki zerthanasy anyqtaldy, 11 kúdikti ustaldy, 2 tonna prekýrsor jáne 22 keli daıyn mefedron tárkilendi. «Qarasora» arnaýly operatsııasy jalǵasýda», - dedi Shuǵyla Turlybek.