Shet tilin úırenýdiń eń ońaı joly qandaı?

ASTANa. QazAqparat - Shet tilin úırený týraly oılaýdyń ózi qorqynyshty. Myńdaǵan beıtanys sóz, múldem basqa grammatıkalyq qurylym bizdi odan beter shoshytary anyq. Al jumys istep júrgende shet tilin úırenýge ýaqyt tabý odan da qıyn. Degenmen, VVS basylymynyń avtory shet tilin úırenýdiń ońaı joldaryn qarastyryp, kólemdi maqala jarııalapty.

«Sarapshylar kúnine bir saǵat ýaqyt shet tilin úırenýge arnap jaqsy nátıjelerge jetýge bolatynyn aıtady. Bastysy - qoldanysyn arttyrý. Al til úıretetin túrli qosymshalar oǵan múmkindik bere bermeıdi», dep jazady avtor.

Sonymen qatar, ol qıynǵa soǵatyn tilderdi tórt topqa bóledi.

«Eń qıyn tilder qataryna arab, qytaı, japon, koreı tilderi jatady. Al aǵylshyn tilin biletinderge ıtalıan, ıspan, portýgal, frantsýz tilderin úırený ońaıǵa soǵady», - deıdi avtor.

Maqalada til úırengen kezde ózińe unaıtyn taqyryptarda maqala oqyp, aýdıo tyńdaýdyń mańyzy zor ekeni aıtylǵan.

«Shet tilin úırengende sol tilde aýdıo tyńdap, jıi-jıi sóıleý kerek. Shet tiline kúnine bir saǵat arnaý tildi tez meńgerýge múmkindik beredi», delingen maqalada.