Shet memleketterdiń Elshilikteri Londonǵa 145 mln fýnt qaryz. Tizimde Qazaqstan da bar

<p>ASTANA. KAZINFORM &ndash; London merııasynyń baqylaýyndaǵy brıtandyq Transport for London (TFL) memlekettik kompanııasy 20 jyl boıy aqyly joldarmen júrgeni úshin aqsha tólemegen qaryz Elshilikterdiń tizimin jarııa etti.</p>

Sóz Londonnyń ortalyq bóligine kiretin kólikterden alynatyn 15 fýnt mólsherindegi alym jaıly bolyp otyr. Bul alym 2003 jyly kólik keptelisin azaıtý, zııandy shyǵaryndylar kólemin qysqartý jáne brıtan elordasynyń ortalyq bóligindegi aýa sapasyn jaqsartý maqsatynda engizilgen bolatyn. 

Bastapqyda London ortalyǵyna kirgeni úshin alynatyn tólem únine 5 fýntty quraǵa edi. Odan keıin ol birneshe ret kóterildi. Atap aıtqanda, 2005 jyldyń shildesinen 8 fýnt, 2011 jyldyń qańtarynan 10 fýnt, 2014 jyldyń maýsymynan 11,5 fýnt, al 2020 jyldyń maýsymynda 15 fýntqa kóterildi. 

Tizimniń basynda 14,6 mln fýnt qaryzben AQSh tur. Odan keıingi elderdiń qaryzy mynadaı: Japonııa — 10 mln fýnt, Úndistan — 8,5 mln fýnt, Nıgerııa — 8,4 mln fýnt, Qytaı — 7,9 mln fýnt, Reseı — 6 mln fýnt, Polsha — 5,2 mln fýnt, Gana — 5 mln fýnt.

«1961 jylǵy Dıplomatııalyq qarym-qatynas týraly Vena konventsııasynda kórsetilgendeı, halyqaralyq quqyqqa sáıkes, bizdiń ustanymyz mynadaı: aqyly jol aımaǵynda júrgeni úshin alynatyn tólem salyq sanalady. Al dıplomatııalyq qyzmet salyqtan bosatylǵan. Bizdiń mundaı ustanymyzdy Londondaǵy kóptegen dıplomatııalyq mıssııa qoldaıdy», - dep málimdedi Londondaǵy AQSh Elshiliginiń baspasóz qyzmetinen. Bul jaıynda Daily Mail basylymy habarlady.

Qazaqstan tizimde 9-orynda tur. Qaryzy – 4 652,755 (shamamen 5,9 mln dollar) fýnt. 

«Biz jáne Ulybrıtanııa Úkimeti aqyly jol aımaǵynda júrgeni úshin alym – bul qyzmetke tólem, salyq emes ekendigin atap ótemiz. Demek, dıplomattar ony tóleýden bosatylmaıdy», - delingen Transport for London málimdemesinde. 

Sonymen qatar málimdemede Londondaǵy Elshilikterdiń basym bóligi alymdy tóleıtindikterin, tez keıbir dıplomatııalyq mıssııalar tólemeı otyrǵandyǵy aıtylady. Alymdy tólemdegenderdi BUU-nyń halyqaralyq sotynyń qaraýyna shyǵaratyndyqtaryn da eskertedi. 

Brıtanııadaǵy Elshilikter 2003-2023 jyldary aralaǵynda Londonnyń aqyly joldarymen júrgenderi úshin jalpy 145,5 mlrd fýnt qaryz bolyp otyr.